ممتا بنرجی نے عوام ہیلتھ کارڈ کا اعلان کیا

وزیراعلی ممتابنرجی نے ایک بار پھر مفت اعلاج کے لیے ہیلتھ کارڈ 'سوستھا ساتھی' جاری کرنے کا اعلان کیا۔

کولکاتا: مغربی بنگال میں اسمبلی انتخابات کے مدنظر وزیراعلی ممتابنرجی نے ایک بار نئی اسکیم کا اعلان کیا۔

ریاستی سکریٹریٹ بلڈنگ نبنو میں پریس کانفرنس کے دوران وزیراعلی ممتابنرجی نے مغربی بنگال کے عوام کے لیے ایک بار پھر 'سوستھا ساتھی'(ہیلتھ کارڈ) جاری کرنے کا اعلان کیا۔

انہوں نے کہا کہ' ریاست کے عوام کے مفت اعلاج کے لیے 'سوستھا ساتھی' (ہیلتھ کارڈ )کو ایک بار پھر لانے کا منصوبہ ہے۔ اس کے تحت ریاستی باشندے کسی بھی ہسپتال میں مفت اعلاج کرا سکتے ہیں۔'

وزیر اعلی نے کہا کہ 'سوستھا ساتھی' (ہیلتھ کارڈ) یکم دسمبر سے منظر عام پر آ جائے گا۔ اسے حاصل کرنے کے لیے درخواست دینی ہوگی۔

پریس کانفرنس کے دوران انہوں نے کہا کہ مغربی بنگال کے ہر زون میں ہیلتھ کارڈ دستیاب ہوگا لیکن اس کے لیے درخواست دینی پڑے گی۔ انہوں نے کہا کہ اس ہیلتھ کارڈ کی مدد سے کسی بھی سرکاری اور غیر سرکاری ہسپتالوں میں مفت علاج کرایا جائے گا'۔

وزیراعلی ممتابنرجی نے کہا کہ اعلاج کے لیے پانچ لاکھ دئیے جائیں گے۔ جبکہ یہ کارڈ پرائیوٹ ہسپتالوں میں بھی منظور ہوگا۔ اگر کوئی پرائیوٹ ہسپتال اس کارڈ کو تسلیم کرنے سے انکار کرتا ہے تو آئیں کی خلاف ورزی ہو گی۔

واضح رہے کہ اس سے پہلے بھی وزیراعلی ممتابنرجی نے ہیلتھ کارڈ جاری کیا تھا. اس کارڈ کے تحت مریض اعلاج کے لئے پانچ لاکھ روپے تک خرچ کیا جاتا تھا.