شاپنگ مال میں آتشزدگی کئی گاڑیاں جل کر خاک

مغربی بنگال کی داراحکومت کولکاتا کے سالٹ لیک میں واقع ایک شاپنگ مال میں آگ لگنے کی وجہ سے افرا تفری کا ماحول پیدا ہوگیا ہے۔

شاپنگ مال کے تہہ خانے سے آگ کی شروعات ہوئی اور دیکھتے دیکھتے دھواں پورے علاقے میں پھیل گیا ہے۔ پولیس نے بتایا کہ اس واقعہ میں کسی جانی نقصان کی کوئی اطلا نہیں ہے۔

آگ بجھانے کیلئے فائر بریگیڈ کی 9گاڑیوں کا استعمال کیا گیا۔ خطرے کی گھنٹی کے بجنے کے فوری بعد پورے شاپنگ مال کو جلد سے جلد خالی کرالیا گیا۔ سکیورٹی اہلکار نے بتایا کہ شاپنگ مال سے ایک ایک شخص کو نکال دیا گیا ہے۔
عینی شاہدین نے بتایا کہ تہہ خانے میں کئی گاڑیاں پارکنگ میں کھڑی تھیں جو مکمل طور پر تباہ ہوگئی ہے۔