دلیپ گھوش کا ابھیشیک بنرجی سے معافی کا مطالبہ

ابھیشیک بنرجی نے دلیپ گھوش کو غنڈہ کہا تھا جس پر برہمی کا اظہار کرتے ہوئے دلیپ گھوش نے ابھیشیک بنرجی کے خلاف مقدمہ درج کرایا ہے۔ گذشتہ کئی روز سے دلیپ گھوش اور ابھیشک بنرجی کے درمیان لفظی جنگ جاری ہے۔

ریاست مغربی بنگال کے بی جے پی صدر دلیپ گھوش نے ترنمول کانگریس کے ایم پی ابھیشیک بنرجی کو لیگل نوٹس بھیجا ہے اور تین دنوں کے درمیان معافی کا مطالبہ کیا ہے۔

ابھیشیک بنرجی نے دلیپ گھوش کو غنڈہ کہا تھا جس پر برہمی کا اظہار کرتے ہوئے دلیپ گھوش نے ابھیشیک بنرجی کے خلاف مقدمہ درج کرایا ہے۔ گذشتہ کئی روز سے دلیپ گھوش اور ابھیشک بنرجی کے درمیان لفظی جنگ جاری ہے۔


گذشتہ کئی روز سے بی جے پی کے کئی رہنماؤں کی طرف سے مسلسل ابھیشیک بنرجی کی طرف اشارہ کرتے ہوئے بھتیجا کہہ کر مخاطب کیا جا رہا تھا۔ جس پر ابھیشیک بنرجی نے ناراضگی کا اظہار کرتے ہوئے کہا تھا کہ اگر ان کو کچھ کہنا ہے تو ان کا نام لیکر کہا جائے۔

انہوں نے کہا تھا کہ ان کو اگر بی جے پی کے کسی رہنما کے بارے میں کچھ کہنا ہوگا تو ان کا نام لیکر ہی بولیں گے۔ ذرائع کے مطابق اسی درمیان ابھیشیک بنرجی نے دلیپ گھوش کو ایک جلسے میں غنڈہ بول کر مخاطب کیا تھا۔ جس کے خلاف آج دلیپ گھوش نے ابھیشیک بنرجی کے خلاف کارروائی کرتے ہوئے ان کو لیگل نوٹس بھیجا ہے۔

نوٹس میں دلیپ گھوش کے وکیل نے ان کے بیان کی سخت مذمت کرتے ہوئے ان سے تین دنوں کے درمیان معافی کا مطالبہ کیا ہے۔ اس کے ساتھ ہی اپنے بیان پر افسوس کا اظہار کرنے کی بات کہی ہے۔ اگر وہ ایسا نہیں کرتے ہیں تو ان کے خلاف قانونی کارروائی کی جائے گی۔