مغربی بنگال کے چار اسمبلی حلقوں میں ہوئے ضمنی انتخابات میں ترنمول کانگریس کی جیت ہوئی ہے۔
کوچ بہار ضلع کے دن ہاٹا اسمبلی حلقے سے ترنمول کانگریس کے امیدوار ادین گوہا کے ہاتھوں شکست کے بعد بی جے پی کے امیدوار اشوک منڈل کو زبردست احتجاج کا سامنا کرنا پڑا ہے۔
کاؤنٹنگ مرکز کے سامنے ترنمول کانگریس کے کارکنان نے جیت کا جشن منانے کے دودان بی جے پی کے امیدوار اشوک منڈل اور کاؤنٹنگ ایجنٹ کو گھیرے میں لے لیا۔
ترنمول کانگریس کے حامیوں پر جشن فتح کے موقع کے دودان بی جے پی کے امیدوار اور کارکنان کے ہرے رنگ کے ابیر پھینکنے کا الزام عائد کیا گیا ہے۔
پولیس اور آر اے ایف نے جائے وقوع پر پہنچ کر حالات کو قابو میں کیا اور بی جے پی کے امیدوار کو ہجوم کے چنگل سے نکال کر محفوظ مقام پرپہنچایا۔
بی جے پی کے امیدوار اشوک منڈل نے اس واقعے کے کو ترنمول کانگریس کے حامیوں کی غنڈہ گردی قرار دیا جبکہ ترنمول کانگریس کے فاتح رہنما ادین گوہا نے اس واقعے کو بی جے پی کے اندرونی معاملہ قرار دیا۔
مزید پڑھیں: