آئی پی ایس جاوید شمیم اور وریندر اپنے سابقہ عہدے پر بحال

وزیراعلیٰ ممتا بنرجی نے انتخابی کمیشن کے فیصلے کو بدلتے ہوئے آئی پی ایس آفیسر جاوید شمیم اور وریندر کو ان کے سابقہ عہدے پر بحال کرنے کا اعلان کر دیا۔

مسلسل تیسری مرتبہ کے لیے وزیراعلیٰ کا حلف لینے کے بعد ممتابنرجی سکریٹریٹ بلڈنگ نبنو پہنچ کر اپنی پہلی میٹنگ میں کئی اہم فیصلے کیے۔

وزیراعلیٰ ممتا بنرجی نے نبنو میں اعلیٰ حکام کے ساتھ میٹنگ کرتے ہوئے نئی کورونا گائیڈ لائن جاری کرنے کا اعلان کرنے کے ساتھ انتظامیہ امور میں تبدیلی لانے کا فیصلہ کیا ہے۔

وزیراعلیٰ ممتا بنرجی نے انتخابی کمیشن کے فیصلے کو بدلتے ہوئے آئی پی ایس آفیسر جاوید شمیم اور وریندر کو ان کے سابقہ عہدے پر دوبارہ بحال کرنے کا فیصلہ کیا ہے۔

وزیراعلیٰ کے نئے اعلامیہ کے مطابق آئی ایس آئی آفیسر جاوید شمیم اور وریندر کو ان کے سابقہ اے ڈی جی اور ڈی جی کے عہدے پر بحال کرنے کا اعلان کیا گیا۔

وزیراعلیٰ ممتا بنرجی کے اعلان کے چند گھنٹوں کے اندر ہی سکریٹریٹ بلڈنگ نبنو سے دونوں آئی پی ایس آفیسر جاوید شمیم اور وریندر کو ان کے سابقہ عہدے پر دوبارہ بحال کرنے کے لیے نوٹیفکیشن جاری کیا گیا ہے۔

نوٹیفکیشن کے مطابق آپی پی ایس آفیسر جاوید شمیم اور وریندر جلد ہی ڈیوٹی پر واپس لوٹ سکیں گے۔ دونوں آئی پی ایس آفیسرز نے اس ضمن میں کچھ بھی کہنے سے انکار کر دیا ہے۔ ان کا کہنا ہے کہ وزیراعلیٰ ممتا بنرجی نے خوب سوچ سمجھ کر ہی فیصلہ کیا ہوگا۔ ان کے فیصلے کا خیر مقدم کرتے ہیں۔

واضح رہے کہ مغربی بنگال اسمبلی انتخابات 2021 سے قبل انتخابی کمیشن نے اے ڈی جی لا اینڈ آرڈر جاوید شمیم اور ڈی جی وریندر کو ان کے عہدے برخاست کرنے کا نوٹیفکیشن جاری کیا تھا۔

انتخابی کمیشن کے نوٹیفکیشن کے مطابق دونوں آئی پی ایس آفیسر ڈیوٹی سے دور تھے۔