کسانوں کے حق کی لڑائی لڑتی رہوں گی: ممتا بنرجی

وزیراعلی ممتابنرجی نے کہا کہ کسانوں کی حمایت میں کھڑی ہوں اور مستقبل میں بھی کھڑی رہوں گی۔ اس میں کوئی سیاست کی بات نہیں ہے۔

مغربی بنگال کے مدنی پور ضلع میں وزیراعلی نے جلسے کو خطاب کرتے ہوئے کہا کہ کسانوں کی حمایت یا ان کے حق میں آواز بلند کرنا کوئی نئی بات نہیں ہے۔

شھبندوادھیکاری کے وزارت سے استعفی دینے کے بعد مدنی پور میں وزیراعلی ممتابنرجی کا یہ پہلا عوامی جلسہ ہے۔

وزیراعلی ممتابنرجی نے کہا کہ میں نے اپنی ساری زندگی میں سب سے زیادہ کسانوں کے حق کے لئے لڑائی کی اور مستقبل میں بھی کرتی رہوں گی۔

انہوں نے کہا کہ نندی گرام اور سینگور کے کسانوں کے لئے 26 دنوں تک میٹرو چینل کے سامنے بھوک ہڑتال پر بیٹھی رہی۔

مجھے مدنی پور ضلع کے کئی ایماندار سیاسی رہنما کا ساتھ ملا۔ ان لوگوں کی مدد سے ہھی نندی گرام اور سینگور کسان تحریک کو تاریخی کامیابی ملی۔

وزیراعلی ممتابنرجی کا کہنا ہے کہ نندی گرام اور سینگور کسان تحریک سے لے کر دہلی میں جاری کسانوں کے احتجاج تک ان کے ساتھ کھڑی ہوں۔

ممتا بنرجی کا کہنا ہے کہ بی جے پی کے رہنما کہتے ہیں کہ مغربی بنگال کے کسانوں کی حالت بد سے بدتر ہے۔ بی جے پی کے رہنماوں کی یہ بات بالکل بکواس ہے۔ اس میں ذرا بھی سچائی نہیں ہے۔ لوگوں کو گمراہ کرنے کی ایک ناکام کوشش ہے۔

وزیراعلی کا کہنا ہے کہ بنگال کے کسانوں کے بارے میں برا بھلا کہنے والوں کو بہار، اترپردیش اور مدھیہ پردیش کے کسانوں کی فکر کرنی چاہئے۔

ملک کی دوسری ریاستوں میں کسانوں کی حالت بی جے پی کے رہنماوں کے کہنے کے مطابق رہتی تو وہ لوگ سڑکوں پر نہیں اترتے۔

کسانوں کو لے کر سیاست کرنا بالکل ہی غلط بات ہے۔ اس سیاسی رہنماوں کو سنجیدگی سے غور کرنے کی ضرورت ہے۔