گورنر جگدیپ دھنکر کا وزیراعلی ممتا بنرجی کو خط

گورنر جگدیپ دھنکر نے شھبندو ادھیکاری کے سکیورٹی انتظامات سخت کرنے کے لئے وزیر اعلی ممتا بنرجی کو خط لکھا ہے۔

شھبندو ادھیکاری کے حکمراں جماعت ترنمول کانگریس سے علیحدگی کے اعلان کے بعد سے مغربی بنگال کی سیاست میں ہلچل مچ گئی ہے۔

ممتا کو خط

ترنمول کانگریس اور شھبندو ادھیکاری کے درمیان سیاسی تنازعہ سے کانگریس اور بائیں محاذ نے خود کو دور رکھنے کا فیصلہ کیا ہے۔ لیکن بی جے پی حکمراں جماعت ترنمول کانگریس اور شھبندو ادھیکاری کے تنازعہ کا پورا فائدہ اٹھانے کی کوشش میں مصروف ہے۔

ممتا کو خط

مغربی بنگال کے گورنر جگدیپ دھنکر کی شھبندو ادھیکاری اور ترنمول کانگریس کے درمیان جاری تنازعہ میں خط کے ذریعہ انٹری ہوئی ہے۔ گورنر جگدیپ دھنکر نے وزیر اعلی ممتابنرجی کو خط لکھ کر شھبندو ادھیکاری کی سکیورٹی کو یقینی بنانے کی ہدایت دی ہے۔

ممتا کو خط

گورنر نے اپنے خط میں لکھا ہے کہ شھبندو ادھیکاری کے معقول سکیورٹی انتظامات کرنے کے ساتھ ساتھ جھوٹے مقدمات میں نہ پھنسانے کی ہدایت دی ہے۔ گورنر جگدیپ دھنکر نے کہا کہ شھبندو ادھیکاری نے خط لکھ کر جھوٹے مقدمات میں پھنسانے کا خدشہ ظاہر کیا تھا۔ ان کے خدشات دور کرنے کے لئے وزیر اعلی کو خط لکھا ہے۔ ممکن ہے کہ سیاسی انتقام کے مقصد سے شھبندو ادھیکاری کو جھوٹے مقدمات میں پھنسایا جا سکتا ہے۔

واضح رہے کہ شھبندو ادھیکاری نے مغربی بنگال کے گورنر کو خط لکھ کر انہیں جھوٹے مقدمات میں پھنسانے کا خدشہ ظاہر کیا تھا۔

انہوں نے گورنر سے اس معاملے میں مداخلت کرنے کا مطالبہ کیا تھا۔ شھبندو کے مطالبے پر ہی گورنر نے وزیر اعلی ممتا بنرجی کو خط لکھا۔

شھبندو ادھیکاری نے گزشتہ روز رکن اسمبلی کے عہدے سے استعفی دینے کا اعلان کیا تھا۔ چوبیس گھنٹہ گزرنے سے پہلے ہی انہوں نے ترنمول کانگریس کی رکنیت سمیت تمام عہدوں سے استعفی دے دیا۔