ممتا کی عیادت کرنے پہنچے گورنر کو مخالفت کا سامنا

مغربی بنگال کی وزیراعلی ممتا بنرجی انتخابی مہم کے دوران زخمی ہوگئیں۔ زخمی حالت میں وزیر اعلی کو کولکاتا منتقل کیا گیا، اس دوران گورنر ان کی عیادت کرنے پہنچے جہاں انہیں مخالفت کا سامنا کرانا پڑا۔

در اصل مغربی بنگال کی وزیر اعلی ممتا بنرجی نندی گرام میں انتخابی مہم کے دوران زخمی ہوگئیں۔ خبروں کے مطابق انہیں نندی گرام میں کچھ لوگوں نے ڈھکیل دیا ہے جس کی وجہ سے ان کے پاؤں میں شدید چوٹ لگی ہے۔ زخمی حالت میں ممتا بنرجی کو کولکاتا علاج کے لیے منتقل کیا گیا ہے۔

وزیر اعلی ممتا بنرجی کی علالت کی خبر سنتے ہی مغربی بنگال گورنر جگدیپ دھنکر ان کی عیادت کرنے ایس ایس کے ایم میڈیکل کالج پہنچے جہاں انہیں ٹی ایم سی کارکنان کی جانب سے مخالفت کا سامنا کرنا پڑا۔ اس موقع پر ٹی ایم سی کارکنان نے گوبیک گوبیک کے نعرے لگاتے ہوئے نظر آئے۔'