سرحد پر بی ایس ایف اور اسمگلرز کے درمیان فائرنگ

مرشدآباد کے ساگر پاڑہ میں بھارت اور بنگلہ دیش کی سرحد پر بی ایس ایف اور مویشیوں کے اسمگلرز کے درمیان فائرنگ میں ایک شخص کی موت ہو گئی۔

مغربی بنگال کے مرشدآباد ضلع کے ساگر پاڑہ میں واقع بھارت اور بنگلہ دیش کی سرحد پر بی ایس ایف بی اور جانوروں کے اسمگلروں کے درمیان زبردست فائرنگ ہوئی.

بی ایس ایف کے جوانوں کی فائرنگ میں جانوروں کے اسمگلنگ میں ملوث ایک شخص کی موت ہوگئی.

ذرائع کے مطابق آج بھارت اور بنگلہ دیش کی سرحد پر بی ایس ایف کو سرحد پر بڑے پیمانے پر جانوروں کے اسمگلنگ کی اطلاع موصول ہوئی.

اسی بنیاد پر بی ایس ایف کے جوانوں نے سرحد پر خصوصی گشتی مہم کے دوران سینکڑوں جانوروں کو نقل و حرکت کرتے دیکھا. بی ایس ایف کے جوانوں کی جانب سے کارروائی شروع ہوتے ہی اسمگلروں کی جانب سے فائرنگ شروع ہوگئی.

بی ایس ایف کے جوانوں کی جوابی فائرنگ میں ایک شخص کی گولی لگنے سے موت ہوگئی اور دیگر دو افراد زخمی ہوگئے.

بی ایس ایف کے مطابق فائرنگ میں ہلاک ہونے والے شخص کی شناخت حسیب شیخ کے طور پر ہوئی ہے.

اس کے ساتھیوں کی تلاش جاری ہے.

بی ایس ایف جنوبی بنگال کے ڈی آئی جی کنال مجمدار کا کہنا ہے کہ سرحد پر جانوروں کے اسمگلنگ کے واقعے میں اضافہ ہوا ہے.

انہوں نے کہا کہ خفیہ اطلاع کی بنیاد پر سرحد پر جانوروں کے اسمگلروں کے خلاف خصوصی مہم چلائی جا رہی ہے.

بھارت بنگلہ دیش سرحد پر چھاپہ ماری مہم کے دوران مارچ سے لے کر نومبر تک ساڑھے چھ ہزار سے زائد جانوروں کو اسمگل ہونے سے بچایا گیا ہے