بی جے پی کی قیادت والی مرکزی حکومت اور ریاست میں ترنمول کانگریس کی قیادت والی حکومت کے خلاف بائیں محاذ اور کانگریس کے رہنماؤں نے زبردست احتجاج کیا۔
بائیں محاذ کے چیئرمین بمان بوس نے کہا کہ گزشتہ ایک ماہ سے دہلی ہریانہ سرحد پر کسانوں کا احتجاج جاری ہے لیکن کسی کو کوئی پرواہ نہیں ہے۔
پتہ نہیں مرکزی حکومت کسانوں سے کیا بات کر رہی ہے اور کیسے کر رہی ہے کہ مسئلہ حل نہیں ہو رہا ہے۔ بات چیت میں کہیں نہ کہیں ضرور کوئی کمی ہے۔
عوامی جلسے کو خطاب کرتے ہوئے بائیں محاذ کے چیئرمین بمان بوس نے مزید کہا کہ بی جے پی کی قیادت والی مرکزی حکومت کو کسی بھی قیمت پر کسان بل واپس لینا ہی پڑے گا۔ مرکزی حکومت اگر کسان بل کو واپس نہیں لیتی ہے تو آنے والے دنوں میں بڑے پیمانے پر احتجاج کیا جائے گا۔
ویڈیو