بایاں محاذ اور کانگریس نے مشترکہ بیان میں کہا ہے کہ تیل کی قیمتوں میں مسلسل اضافہ اور لاک ڈاؤن کی وجہ سے مصائب کے شکار عوام پر دوہری مار پڑی ہے اس لئے جلد سے جلد قیمتوں میں کٹوتی کی جائے۔
اس مشترکہ مہم کے ذریعہ 2021 کے اسمبلی انتخاب میں کانگریس اور بایاں محاذ ترنمول کانگریس اور بی جے پی کے خلاف متبادل پیش کرے گی۔
بایاں محاذ کے چیرمین بمان بوس اور ریاستی کانگریس کے صدر سومن مترا کے درمیان میٹنگ یہ فیصلہ کیا گیا ہے دونوں پارٹیوں کے ورکروں کے تال میل اور اشتراک عمل میں اضافہ کے لیے مہم چلانے کا فیصلہ کیا گیا ہے۔
بایاں محاذ نے تجویز پیش کی ہے کہ دونوں پارٹیوں کے درمیان تال میل قائم کرنے کے لیے اسٹیرنگ کمیٹی قائم کی جائے تاکہ سیٹوں کی تقسیم اور اشتراک عمل کے لیے حکمت عملی بنائی جاسکے۔
بایاں محاذ کے چیئرمین بمان بوس نے ترنمول کانگریس اور بی جے پی دونوں عام آدمی کے خلاف ہیں۔کانگریس اور بایاں محاذ کے درمیان میٹنگ میں کانگریس کی جانب سے کئی تجویز پیش کی گئی ہے۔
دونوں پارٹیاں مشترکہ طور پر 29جون کو ریاست بھر میں پٹرولیم مصنوعات کی قیمتوں میں اضافہ کے خلاف احتجاج کرے گی۔کانگریس اور بایاں محاذ کے سینئر لیڈران کلکتہ میں ریڈ روڈ پر احتجاج کریں گے جب کہ اضلاع میں 29جون کو صبیح 10سے 12بجے تک احتجاجی مہم چلائی جائے گی۔
چوں کہ اس وقت کورونا وائرس کے کیسوں کی تعداد میں اضافہ ہورہاہے اس لئے احتجاج کے دوران ماسک اور معاشرتی فاصلے کا سختی سے خیال رکھا جائے گا۔
احتجاجی مہم میں شامل ہونے والے لیڈروں اور ورکروں کو ہدایت دی گئی ہے کہ وہ ماسک پہن کر ضرور آئیں۔دونوں پارٹیوں نے اپنے ورکروں سے کہا ہے کہ صحت کے اصول کی پاسداری ضرور کریں اور کسی کو نزلہ اور بخار کی شکایت ہے تو وہ کسی بھی پروگرام میں شریک نہ ہوں۔
