Rampurhat Fire Case: وزیراعلیٰ ممتا بنرجی رامپور ہاٹ سانحہ کا کسی دوسرے واقعے سے موازنہ نہ کریں

مغربی بنگال کے گورنر جگدیپ دھنکر نے ترنمول کانگریس کی سربراہ اور وزیراعلیٰ ممتا بنرجی کو رامپور ہاٹ سانحہ کا کسی دوسرے واقعے سے موازنہ نہ کرنے کا مشورہ دیا ہے۔ Bengal Governor writes to CM Mamata Banerjee

مغربی بنگال کے بیربھوم ضلع کے رامپور ہاٹ تھانہ کے باگٹی علاقے میں گروہی تصادم کے نتیجے میں دو بچوں سمیت آٹھ افراد کی موت پر سیاسی کھیل شروع ہو چکا ہے۔حکمراں جماعت ترنمول کانگریس رامپور ہاٹ سانحہ کو بیرونی ریاستوں کے لوگوں کی سازش قرار دے رہی ہے تو اپوزیشن پارٹیاں مغربی بنگال حکومت کی ناکامی بتا رہیں ہیں۔اسی درمیان گورنر جگدیپ دھنکر اور وزیراعلیٰ ممتا بنرجی کی سوشل میڈیا پر لفظی جنگ کے درمیان اب خطوط کا سلسلہ شروع ہو گیا ہے۔ Bengal Governor writes to CM Mamata Banerjee

رامپور ہاٹ سانحہ

وزیراعلیٰ ممتا بنرجی کے خط کا جواب دیتے ہوئے گورنر جگدیپ دھنکر نے لکھا ہے کہ مغربی بنگال حکومت کی سربراہ کو اپنی ذمہ داری سمجھنے اور نبھانے کی ضرورت ہے۔ یہ وقت خط کا جواب دینے کا نہیں ہے۔گورنر جگدیپ دھنکر نے اپنے خط میں لکھا ہے کہ رامپور ہاٹ سانحہ میں دو بچوں سمیت آٹھ لوگوں کی موت ہوئی ہے. اس دلدوز واقعے کا کسی دوسرے کے ساتھ موازنہ نہیں کیا جا سکتا ہے. ہر واقعہ اپنے میں ہی المیہ ہوتا ہے۔ انہوں نے کہا کہ آپ وزیراعلیٰ ہیں۔ آپ کو اس معاملے کی گھتی کو کسی بھی قیمت پر سلجھانے کی کوشش کرنی چاہیے. یہ کام آپ ہی کر سکتی ہیں. آپ کے وزراء نہیں۔

واضح رہے کہ مغربی بنگال کی وزیراعلیٰ ممتا بنرجی نے گزشتہ روز گورنر جگدیپ دھنکر کو خط لکھ کر رامپور ہاٹ معاملے میں غیرضروری بیان بازی سے گریز کرنے کی اپیل کی تھی۔