محمڈن اسپورٹنگ کلب نے آئی لیگ میں جگہ بنالی

محمڈن اسپورٹنگ کلب کے آئی لیگ میں کھیلنے کا اعزاز حاصل کرنے کے بعد کلب ٹنٹ میں جشن کا سلسلہ جاری ہے۔

چمپیئن محمڈن اسپورٹنگ کلب نے ایف سی بنگلور یونائیٹڈ کے خلاف پیر کو ہیرو آئی لیگ کوالیفائر 2020 کے اپنے آخری میچ میں بغیر گول ڈرا کھیل کر ناقابل شکست رہتے ہوئے کوالیفائر ٹائٹل جیت لیا ہے۔

محمڈن اسپورٹنگ نے سات سال کے طویل وقفے کے بعد ہیرو آئی لیگ 2020-21 میں جگہ بنائی ہے۔ یہ میچ کولکتہ کے وویکانند یووا بھارتی اسٹیڈیم میں کھیلا گیا محمڈ اسپورٹنگ فین کلب کے ممبران نے آئی لیگ میں کوالیفائی کرنے والی ٹیم کے کھلاڑیوں اور ارباب کا شاندار استقبال کیا۔

کلب ٹنٹ میں ڈھول اور شہنائی کی آواز گونج رہی ہے۔ فین کلب کے ممبران خوشی میں جھوم رہے ہیں۔ لوگوں کے کلب ٹنٹ میں آنے کا سلسلہ جاری ہے کلب ٹنٹ کے علاوہ مسلم اکثریتی علاقوں میں سیاہ سفید جرسی والی ٹیم کے اعزاز میں تقریبات کا اہتمام کیا جا رہا ہے۔

محمڈن اسپورٹنگ فین کلب کے ممبران کا کہنا ہے کہ' آئی لیگ میں کوالیفائنگ کرنے پر ہمیں دلی خوشی ملی ہے۔

انہوں نے مزید کہا کہ ہم امید کرتے ہیں کہ آئی لیگ میں سیاہ سفید جرسی والی ٹیم شاندار کارکردگی کا مظاہرہ کرے گی۔فین کلب کے ممبران کا کہنا ہے کہ' محمڈن اسپورٹنگ ملک کا واحد ایسا کلب ہے جس کے سب سے زیادہ مداح ہیں۔

اس معاملے میں کولکاتا نائٹ رائڈرس، موہن بگان اور ایسٹ بنگال کوسوں پیچھے ہے۔ واضح رہے کہ محمڈن اسپورٹنگ سات برسوں بعد آئی لیگ میں کھیلنے کا اعزاز حاصل کیا۔ محمڈن کی ٹیم گروپ چمپئن کی حیثیت سے آئی لیگ کے مین راؤنڈ میں کوالیفائی کیا۔

آپ کو بتا دیں کہ بھارت میں 'آئی لیگ' مردوں کی ایسوسی ایشن فٹ بال کلبوں کے لئے ایک پیشہ ور لیگ ہے جس کی شروعات 2007 میں ہوئی تھی۔ جب سے 21 کلبوں نے ٹورنامنٹ میں حصہ لیا ہے اور یہ بھارت کی پہلی 'فٹ بال لیگ' ہے۔