اسمبلی انتخابات کے نتائج کے بعد سے ہی مغربی بنگال میں سیاسی اتھل پتھل جاری ہے۔ حکمراں جماعت ترنمول کانگریس اور بی جے پی آمنے سامنے ہے۔
ناردا رشوت خوری معاملے میں ترنمول کانگریس کے تین رہنماؤں اور سابق مئیر شوبھن چٹرجی کی گرفتاری کے بعد بنگال کی سیاست میں ہلچل مچ گئی ہے۔ اسی درمیان سی بی آئی نے وزیراعلیٰ ممتا بنرجی اور وزیر قانون مولائے گھٹک پرناردا چیٹ فنڈ بدعنوانی اور رشوت خوری معاملے کی تفتیش کرنے کا الزام لگا۔ سی بی آئی نے کا الزام ہے کہ ترنمول کانگریس کی سربراہ ممتا بنرجی اور ریاستی وزیر مولائے گھٹک ناردا رشوت خوری معاملے کی تفتیش کو متاثر کر سکتی ہیں۔
کلکتہ ہائی کورٹ کے چیف جسٹس راجیش بندیلا نے سی بی آئی کی عرضی پر سماعت کرتے ہوئے ترنمول کانگریس کے رہنما فرہاد حکیم، سبرتو مکھرجی، مدن مترا اور شوبھن چٹرجی کی ضمانت نامنظور کرتے ہوئے انہیں بدھ تک جیل میں رکھنے کا حکم دیا۔ انہوں نے کہاکہ وزیراعلیٰ ممتا بنرجی اور وزیر قانون اپنی طاقت اور پہنچ کا استعمال کرکے معاملے کو متاثر کر سکتے ہیں۔سی بی آئی نے دونوں بڑے رہنماؤں کو اس معاملے سے دور رکھنے کی کلکتہ ہائی کورٹ سے اپیل کی ہے۔ اس کے علاوہ بڑے رہنماؤں سے اس معاملے میں مدد نہ کرنے کی اپیل کی ہے۔ دوسری طرف سی بی آئی نے ناردا رشوت خوری معاملے کی تفتیشی پیش رفت اور چار رہنماوں کی گرفتاری پر اسپیکر مغربی بنگال بمان بنرجی کو پوری معلومات فراہم کی ہے۔مئی 2021 کو سی بی آئی نے گورنر مغربی بنگال جگدیپ دھنکر سے ترنمول کانگریس کے اعلیٰ رہنماؤں سے پوچھ گچھ کرنے کی اجازت مانگی تھی۔گزشتہ 17مئی کی صبح سی بی آئی کی ٹیم نے ترنمول کانگریس کے اعلیٰ رہنماوں فرہاد حکیم (کابینہ وزیر)، سبرتو مکھرجی (کابینہ وزیر )، مدن مترا(رکن اسمبلی ) اور شوبھن چٹرجی (سابق مئیر ) کو گرفتار کرکے بنکشال کورٹ میں پیش کی۔پہلے بنکشال کورٹ میں ترنمول کانگریس کے چاروں رہنماؤں کی ضمانت منظور کرلی تھی سی بی آئی نے کلکتہ ہائی کورٹ میں سیاسی رہنماؤں کی ضمانت پر روک لگانے کے لیے عرضی داخل کی۔کلکتہ ہائی کورٹ کے چیف جسٹس راجیش بندیلا نے سی بی آئی کی عرضی پر سماعت کرتے ہوئے ترنمول کانگریس کے رہنما فرہاد حکیم، سبرتو مکھرجی، مدن مترا اور شوبھن چٹرجی کی ضمانت نامنظور کرتے ہوئے انہیں بدھ تک جیل میں رکھنے کا حکم دیا۔
