مغربی بنگال: بی جے پی رکن اسمبلی کے قتل کا خدشہ

مغربی بنگال کے بی جے پی کے رکن اسمبلی دیبیندر ناتھ رے اپنے گھر کے قریب مردہ پائے گئے ہیں۔ اس واقعے کے بعد سے ریاست میں ہلچل مچی ہوئی ہے۔ ہلاکت کی وجوہات کا پتہ نہیں چل سکا ہے۔ لوگوں کو قتل کا خدشہ ہے۔

مغربی بنگال کے ضلع شمالی دیناج پور میں بی جے پی کے ایک رکن اسمبلی کی لاش برآمد ہوئی ہے۔ اس واقعے کے بعد پورے علاقے میں کافی ہلچل مچی ہوئی ہے۔

ابتدائی اطلاعات کے مطابق پیر کے دن دیبیندر ناتھ رے کی لاش ان کے گھر کے قریب لٹکی ہوئی پائی گئی۔ مقامی لوگوں نے خدشہ ظاہر کرتے ہوئے بتایا ہے کہ دیبیندر ناتھ رے کو قتل کرنے کے بعد انکی لاش کو لٹکا دیا گیا ہے۔

اس معاملے میں مقامی انتظامیہ کی جانب سے کوئی اطلاعات نہیں مل سکی ہے۔

واضح رہے کہ بنگال کی ہیمت آباد اسمبلی سیٹ مخصوص نشست ہے۔ اس سیٹ پر گذشتہ اسمبلی انتخابات میں بی جے پی کے رکن اسمبلی دیبیندر ناتھ رے منتخب ہوئے تھے۔