مغربی بنگال اسمبلی انتخابات 2021 کو لے ریاست میں زبردست گہماگہمی زوروں پر جاری ہے۔ تمام سیاس جماعتیں اقتدار پر قبضہ جمانے کے لیے ایڑی چوٹی کا زور لگا چکی ہیں۔
بیرکپور پارلیمانی حلقے پر تمام سیاسی جماعتوں کی عقابی نظر
شمالی 24 پرگنہ کے صنعتی خطہ بیرکپور کی تمام ساتوں سیٹز پر حکمراں جماعت ترنمول کانگریس سمیت تمام اپوزیشن جماعتوں کی گہری نظر ہے۔ سبھی سیاسی جماعتیں ان سیٹیز پر کامیابی کے دعوے کرتے ہوئے نظر آرہے ہیں۔
سیاسی گہماگمہی کو جاننے کے لیے ای ٹی وی بھارت کے نمائندے نے بیرکپور پارلیمانی حلقے کے تمام ساتوں اسمبلی حلقوں کا دورے کیا اور ووٹرز سے ان کی رائے جاننے کی کوشش کی۔ اس موقع پر مقامی لوگوں نے کیمرے کے سامنے کچھ بھی کہنے سے صاف منع کردیا۔ تاہم آف دی ریکارڈ انہوں نے کہا کہ حالات اتنے اچھے نہیں ہے کہ میڈیا کے سامنے کچھ بھی کہا جائے۔'
حالانکہ 2019 لوک سبھا انتخابات کے بعد سے بیرکپور پارلیمانی حلقے میں غیر معمولی سیاسی تبدیلی آئی ہے۔ اس تبدیلی میں ترنمول کانگریس کو نقصان اور بی جے پی کو فائد ملتا ہوا دکھ رہا ہے'۔
سات میں چار ترنمول کانگریس کے ارکان اسمبلی ترنمول کو چھوڑ کر بے جے پی میں شامل ہو گئے۔ جس کی وجہ سے ترنمول کانگریس کی پوزیشن کمزور ہوئی ہے تو دوسری جانب بی جے پی کے مقامی رہنما پارٹی کے فیصلے سے ناراض ہیں۔ ان سب تبدیلوں کے باوجود ترنمول کانگریس بیرکپور پارلیمانی حلقے کے تمام ساتوں اسمبلی سیٹوں پر جیت کا دعویٰ کررہے ہیں۔
وزیر داخلہ امت شاہ، بی جے پی کے قومی صدر جے پی نڈا شھبندو ادھیکاری، ارجن سنگھ بیرکپور کے ساتھ شمالی 24 پرگنہ کی تمام سیٹوں پر بی جے کا پرچم لہرانے کا دعویٰ کر رہے ہیں۔
اب تو آنے والے دنوں میں ہی پتہ چلے گا کہ کس کے دعویٰ میں کتنا دم ہے۔ کون سی پارٹی کو شمالی 24 پرگنہ میں جیت کا جشن منانے کا موقع ملے گا۔
دیکھنا یہ بھی ہے کہ شمالی 24 پرگنہ کے بیرکپور پارلیمانی حلقے سمیت دوسرے حلقوں میں ترنمول کانگریس اور بی جے پی کے درمیان برتری کی جنگ میں متحدہ محاذ (لفٹ فرنٹ، کانگریس اور انڈین سیکولر فرنٹ) بازی کہیں نہ لے جائے۔
واضح رہے کہ مغربی بنگال میں منعقد ہونے والے اسمبلی انتخابات 2021 اس مرتبہ آٹھ مراحل میں ہوں گے اور 27 مارچ کو پہلے مرحلے میں ووٹ ڈالے جائیں گے۔
الیکشن کمیشن کی جانب سے تمام تیاریاں مکمل کر لی گئی ہیں۔ تمام اظلاع میں مرکزی فورسز کی تعیناتی کا سلسلہ جاری ہے۔
دوسری طرف سی پول کی سروے رپورٹ میں ممتا بنرجی کی قیادت والی حکمراں جماعت ترنمول کانگریس کی تیسری مرتبہ حکومت بننے کی پیش گوئی کی گئی ہے اس کے ساتھ ساتھ بھاری نقصان بھی دیکھا جا رہا ہے۔