سی بی آئی کے ذریعہ آج صبح ناردا معاملے میں گرفتار کیے گئے ترنمول کانگریس رہنماؤں کے خلاف سی بی آئی نے خصوصی عدالت میں چارج شیٹ داخل کیا۔ کولکاتا کے بنگشال عدالت میں سی بی آئی کی خصوصی عدالت نے اس معاملے کی شنوائی کی۔ جہاں چاروں ملزمین کو ورچول طور پر پیش کیا گیا۔
فرہاد حکیم، سبرتو مکھرجی، مدن مترا اعر شوبھن چٹرجی کو نظام پیلیس میں رکھا گیا تھا ویڈیو کانفرنس کے ذریعے ان کو عدالت میں پیش کیا گیا تھا۔
شنوائی مکمل ہونے کے ڈھائی گھنٹے بعد عدالت نے ترنمول کانگریس کے وکیل کلیان بنرجی کی اپیل کو قبول کرتے ہوئے چاروں ملزمین کو ضمانت دے دی۔ دوسری جانب عدالت نے سی بی آئی کے دعوے کو خارج کر دیا۔
عدالت نے کہا کہ ان چاروں میں سے کسی کو گرفتار کرکے جیل میں رکھنے کی ضرورت نہیں ہے۔ جسٹس انوپم مکھرجی اس معاملے کی شنوائی کر رہے تھے اور انہوں نے یہ فیصلہ سنایا۔ سی بی آئی نے اونچی عدالت میں اپیل کرنے کا فیصلہ کیا ہے۔