مغربی بنگال: بس حادثہ میں 25 افراد زخمی

کولکاتا میں ایک منی بس کے دیگر ایک بس سے ٹکرانے کی وجہ سے 25 افراد زخمی ہوگئے۔

مغربی بنگال کے دارالحکومت کولکاتا کے پرانے شہر علاقے میں میو روڈ پر اتوار کو ایک بس دوسری منی بس سے جا ٹکرائی جس میں کچھ خواتین کے علاوہ کم سے کم 25 افراد زخمی ہوگئے۔
پولس نے بتایا کہ زخمیوں میں 12 کو نزدیکی اسپتال میں بھرتی کرایا گیا ہے۔
یہ حادثہ اس وقت پیش آیا جب بس کافی تیز رفتاری سے آرہی تھی کہ مخالف سمت سے آرہی منی بس سے ٹکرا گئی۔ بس کا ڈرائیور محفوظ ہے۔
پولیس جائے واقعہ پر پہنچ کر معاملے کی جانچ کررہی ہے۔ اس معاملے میں ابھی تک کسی کی گرفتاری عمل میں نہیں آئی ہے۔