کیرالہ اسمبلی میں سی اے اے کے خلاف قرارداد

کیرالہ اسمبلی میں شہریت ترمیمی قانون کے خلاف آج قرارداد پیش کی گئی۔

کیرالہ کے وزیر اعلی پنرائی وجین نے اسمبلی میں سی اے اے کے خلاف قرار داد پیش کی، انھوں نے کہا کہ یہ قانون بھارت کے دستور اور آئین کے خلاف ہے۔
وزیراعلی وجین نے کہا کہ شہریت دینے کے اس قانون میں مذہبی امتیاز رکھا گیا ہے اور یہ ایک متنازعہ قانون ہے۔ انھوں نے مزید کہا کہ یہ قانون سیکولرزم کے خلاف ہے۔
یہی وجہ ہیکہ ملک کی عوام میں اس کو لیکر ایک قسم کی بے چینی پیدا ہوگئی ہے اور لوگ پریشان ہیں۔ انھوں نے کہا کہ مرکزی حکومت اس قانون کو واپس لے اور ملک کے سیکولر اقدار کو برقرار رکھے۔

اس موقع پر وزیر اعلی نے کہا کہ ریاست کیرلا میں کوئی ہراستی کیمپ نہیں بنایا جائے گا۔