کشن گنج: تیز آندھی کے ساتھ زبردست بارش، موسم خوشگوار

ریاست بہار کے ضلع کشن گنج میں حالیہ بے موسم بارش سے مکئی، مونگ کی کاشتکاری بری طرح سے متاثر ہوئی ہے جبکہ فصلوں کو کافی نقصان ہوا ہے۔

بہار کے مختلف اضلاع میں آج تیز ہواؤں کے ساتھ جم کر بارش ہوئی۔ اس بے موسم بارش سے آم، لیچی، مکئی اور مونگ کی فصل کو خاصہ نقصان پہنچا ہے۔ غور طلب ہے کہ یہ وقت فصلوں کی کٹائی کا ہے، جو بارش کی وجہ سے بری طرح سے متاثر ہوا ہے۔

حالانکہ کشن گنج ضلع میں جان و مال کا کوئی نقصان تو نہیں ہوا ہے، البتہ کسانوں کی فصلوں کو کافی نقصان پہنچا ہے۔

بتادیں کہ کی کشن گنج کی معاشی سرگرمی زراعت پر منحصر ہے، ایسے یہاں کی کثیر آبادی کاشتکاری کا کام کرتے ہیں، مزید ایک بہت بڑی آبادی مہاجر مزدور ہیں جو بیرونی ریاستوں میں کام کرکے دو وقت روٹی کا انتظام کرتے ہیں۔