آیوشمان بھارت سے متعلق بیداری مہم

ارریہ رکن پارلیمان پردیپ کمار سنگھ کی رہائش گاہ پر دیوالی ملن تقریب میں عوام کو آیوسمان بھارت کارڈ سے متعلق بیدار کیا گیا۔

اس موقع پر رکن پارلیمان پردیب کمار سنگھ نے کہا کہ' آیوشمان بھارت منصوبہ وزیراعظم نریندر مودی کا ایک ایسا منصوبہ ہے جس کے تحت بیمار، لاچار ، مجبور یا پھر غریب شخص پورے بھارت کے کسی بھی ہسپتال میں مفت علاج کرا سکیں گے'۔

انہوں نے مستحقین سے آیوشمان منصوبہ کے بابت گفتگو کی اور اس منصوبہ سے ہونے والے فائدہ سے آگاہ کیا۔ علاوہ ازیں آیوشمان منصوبہ حاصل کرنے سے لے کر علاج کرانے سمیت دیگر امور پر عوام کو بیدار کیا۔ مستحقین میں زیادہ تر ارریہ اسمبلی حلقہ کے رام پور کودرکٹی و مدن پور سے پہنچے۔ اس دوران مستحقین نے بھی آیوشمان منصوبہ سے جڑنے کا تجربہ بیان کیا۔

اس موقع پر موجود لوگوں نے اپنے مسائل سے پردیپ کمار سنگھ کو آگاہ کیا اور درخواست کی کہ جن بیماریوں کو ابھی تک آیوش مان بھارت منصوبہ میں شامل نہیں کیا گیا ہے اس کے لیے مرکزی حکومت سے مطالبہ کر اسے شامل کیا جائے، تاکہ اس کا صحیح فائدہ مل سکے۔

اس موقع پر پردیپ کمار سنگھ نے رہائش گاہ پر آئے لوگوں کو مٹھائی بھی کھلائی اور دیوالی و چھٹھ کی مبارک باد پیش کی۔ اس موقع پر سنجے مشرا، سابق مکھیا راجیش سنگھ ، سریندر مشرا، محمد یعقوب سمیت درجنوں لوگ موجود تھے۔