ریاست اترپردیش کے ضلع جونپور کے رامپور علاقے میں آپسی تنازعے میں ایک شخص کا قتل کر دیا گیا۔ پولیس نے اس معاملے میں تین افراد کو گرفتار کیا ہے۔
پولیس ذرائع نے پیرکو بتایا کہ رامپور علاقے کے آشانند پور گرام سبھا کے بہرا گاؤں میں اتوار کی دیر شام مویشی چرانے کے سلسلے میں سلطان نامی ایک شخص گائو کے بعض افراد کے ساتھ کچھ تنازعہ ہو گیا تھا جس نے دیکھتے ہی دیکھتے مارپیٹ کی شکل اختیار کر لی۔
سلطان کےاہل خانہ کا الزام ہے کہ گاؤں کے ’’گولو، کریا،گوتم، چندن، سونو، روہت سمیت دیگر افراد لاٹھی ڈنڈے لے کر آئے اور سلطان کی بے رحمی سے پٹائی کی جس سے وہ شدید زخمی ہو گیا۔‘‘