کانپور میں بینکوں کے خلاف احتجاج

ملک میں جس طریقے سے بڑی تعداد میں کاروباریوں کے اکاؤنٹ این پی اے ہو گئے ہیں اور ہزاروں کروڑوں روپئے ہڑپ کر یہ کاروباری ملک چھوڑ کر بھاگ کر بیرون ملک چلے جا رہے ہیں، اس کا عوام پر غلط اثر پڑا ہے۔

عوام اب اس بات کے لیے فکرمند ہو گئی ہے کہ بینک میں ان کے پیسے محفوظ نہیں ہے۔ اسی خوف کے چلتے کانپور میں 25 نومبر کو 'سروجن ہتائے کیندر' تنظیم ایک پیدل مارچ نکالے گی، جو گاندھی مجسمہ سے چل کر ریزرو بینک پر ختم ہوگی۔ جس میں یہ تنظیم حکومت کو اور ریزرو بینک کے گورنر کو ایک میمورنڈم پیش کرے گی کہ وہ گارنٹی دیں کہ عوام کا پیسہ بینکوں میں محفوظ ہے۔

ریزرو بینک نے ابھی حال ہی میں ایک فہرست جاری کی ہے، جس میں کئی بڑے کاروباری جو اس ملک کے روپے لے کر بھاگ گئے ہیں یا ان کے اکاؤنٹ این پی اے ہیں۔ کانپور کے ایک کاروباری روٹو میکس کمپنی کا نام بھی اس لسٹ میں شامل ہے۔ ان پر بینک کا ہزاروں کروڑوں روپیہ باقی ہے۔ یہ ہے جس چالاکی سے روپیہ لے کر ملک سے فرار ہو رہے ہیں اس کا اثر بھارت کی معیشت پر پڑا ہے۔

کئی بینکوں کا آپس میں مرجر بھی ہوا ہے اور کچھ بینک بند بھی ہوئے ہیں، جو بینک بند ہوئے ہیں ان میں پی ایم سی کوآپریٹو بینک نے تو لوگوں کا اعتماد ہی توڑ دیا ہے۔ کسی بھی بینک میں جب عوام اپنا پیسہ جمع کرتی ہے تو اس کو یہ بھروسہ ہوتا ہے کہ اس کا روپیہ بینک میں محفوظ ہے لیکن ریزرو بینک کی یہ پالیسی کہ 25 لاکھ روپے اگر کسی کا بینک میں جمع ہے اور بینک دیوالیہ ہو جاتی ہے تو اکاؤنٹ ہولڈر کو بینک صرف ایک لاکھ روپے ہی واپس کرنے کی گارنٹی دیتا ہے۔

ایسے میں چھوٹے اکاؤنٹ ہولڈر بے حد پریشان ہیں کہ بینکوں میں ان کاجمع روپیہ محفوظ نہیں ہے۔ انہیں سب کی وجہ سے تنظیم 'سروجن ہتاے کیندر' تمام عوام کو لے کر ایک پیدل مارچ نکالنے جا رہی ہے، جو 25 نومبر کو کانپور کے پھول باغ میدان ،گاندھی مجسمہ سے شروع ہوگا اور خاموش پیدل چلتا ہوا یہ جلوس ریزرو بینک تک جائےگا، جہاں ریزرو بینک کے گورنر کو ایک میمورینڈم دیا جائے گا۔

بینک کے گورنر اور حکومت دونوں سے مطالبہ کیا جائے گا کہ وہ غریبوں کا جو روپیہ بینکوں میں جمع ہے اس کی ضمانت دے کہ ان کا روپیہ محفوظ ہے اور بینک اگر دیوالیہ ہوتی ہے تو غریبوں کا کوئی پیسہ نہیں ڈوبیگا۔ تنظیم نے عوام کو بیدار کرنے کے لیے صحافیوں سے بات کی۔

تنظیم 'سرو جن ہتاے کیندر' ایک سماجی تنظیم ہے جو عوام میں بھلائی اور خیر خواہی کے کام کرتی رہتی ہے۔ تنظیم اس وقت وجے مالیہ ، نیرو مودی ، میہول چوکسی جیسے کاروباریوں کے ملک سے بھاگنے، پی ایم سی بینگ کے بند ہونے اور عوام کے سڑکوں پر آ جانے سے بے حد فکر مند ہے۔ تنظیم اس معاملے پر حکومت سے لڑنے کا من بنا چکی ہے۔