رابطہ مدارس اسلامیہ تنظیم کے مشرقی زون کے نئے صدر کا انتخاب

رابطہ مدارس اسلامیہ تنظیم کی تشکیل کا مقصد دارالعلوم دیوبند سے منسلک تمام مدارس کے فارغین اور علمائے کرام کی پریشانیوں کو حل کرنا اور دار العلوم دیوبند کی فکر کو عام کرنا ہے۔

دارالعلوم دیوبند اپنی ذیلی تنظیم رابطہ مدارس اسلامیہ عربیہ، کانپور کے تحت اترپردیش کے مشرقی زون 1 کے لیے کانپور کے مفتی اقبال احمد قاسمی کو صدر منتخب کیا ہے اور معاون حافظ عبدالقدوس ہادی کو بنایا گیا ہے۔ یہ تنظیم زون کے 11 اضلاع میں آنے والے تمام مدارس سے رابطہ رکھے گی۔ انہیں مزید مفید مشورے فراہم کرے گی اور دارالعلوم دیوبند کے مقاصد کو عام کرے گی۔

دارالعلوم دیوبند کی ذیلی تنظیم کل ہند رابطہ مدارس اسلامیہ عربیہ کا مقصد ہندوستان میں دارالعلوم دیوبند سے منسلک تمام مدارس یا یہاں سے فارغ ہو کر نکلے علمائے کرام جو ہندوستان کے تمام گوشہ گوشہ میں مدارس کھول کر دین کی تعلیم و تربیت کا کام کر رہے ہیں اس تنظیم کے ذریعے سے تمام مدارس کو ایک پلیٹ فارم پر لاکر ایک فکر کو عام کرنا مقصود ہے۔ اسی فکر کے مقاصد سے یہ تنظیم کچھ عرصے سے کام کر رہی ہے۔

رابطہ مدارس اسلامیہ عربیہ کانپور میں پہلے سے کام کر رہی ہے جس کے صدر مولانا متین الحق اسامہ قاسمی صاحب تھے، ان کے انتقال کے بعد یہ عہدہ خالی ہوا تھا جس پر مفتی اقبال احمد قاسمی کو جو مرحوم مولانا متین الحق اسامہ صاحب کے ساتھ کام کر رہے تھے ان کو منتخب کیا گیا ہے۔ اکیلے کانپور میں پچاس سے زائد مدارس رابطہ مدارس اسلامیہ عربیہ کے زیر نگرانی ہیں۔

اس کے علاوہ مشرقی زون ایک میں دس اضلع اور ہیں جہاں کثیرتعدادمیں مدارس ہیں، سبھی مدارس میں ایک نظم ایک دستور اور ایک نصاب تعلیم کے تحت کام کرکے دارالعلوم دیوبند کی تحریک کو مضبوط کرنے کی کوشش کی جا رہی ہے۔