شعیب خان قتل کیس: انصاف کے لیے کینڈل مارچ

کانپور میں کانگریس کے رہنما شعیب خان کے قاتلوں کو گرفتارکرنے کے لیے لوگوں نے کینڈل مارچ نکالا۔

کانپور میں کانگریس رہنما شعیب خان کے قتل کے معاملے میں شعیب خان کے حمایتی اور علاقائی لوگوں نے شعیب خان کو انصاف دلانے کے لیے کینڈل مارچ نکالا۔

کینڈل مارچ کے دوران لوگوں نے انتظامیہ کے خلاف نعرے بازی کی اور ساتھ میں جسٹس فار شعیب جیسے سلوگن کے پلے کارڈ بھی ہاتھ میں لیے ہوئے تھے۔

واضح رہے کہ کانپور میں 9 اکتوبر کو کانگریس کانپور شہر کے جنرل سکریٹری شعیب خان کو ایک زمینی معاملے میں گولی مار کر قتل کر دیا گیا تھا۔

نامزد رپورٹ میں سپاہی کا بیٹا، سپاہی اور اس کی ماں کا نام بھی درج ہے۔ لیکن ابھی تک پولیس نے کوئی کارروائی نہیں کی۔