کانپور: سینکڑوں جماعت کارکنان اپنا پلازمہ دینے کوتیار

کورونا وائرس وبا کے پھیلتے ہی جب اس کی وجہ تلاش کی گئی تو بعض افراد اور کچھ میڈیا والوں نے اس وبا کا ٹھیکرا تبلیغی جماعت پرپھوڑ دیا۔

ابھی بھی ملک وبیرون ممالک کے کئی جماعتی جیل میں بند ہیں، اس کے باوجود تبلیغی جماعت کے ذمہ داران ملک کی بھلائی اور انسانیت کی خدمت کو اپنا فریضہ سمجھتے ہوئے لوگوں کو بچانے کے لئے اپنا پلازمہ عطیہ کرنا چاہتے ہیں جس کا اعلان کانپور شہر قاضی نے کیا ہے۔

کرونا وائرس وبا کے پھیلتے ہی پورے ملک میں اس وبا کے پھیلنے کی اصل وجہ تلاش کی جانی شروع ہوگئی تھی، تمام لوگوں پر جہاں نگاہ رکھی جارہی تھی وہیں سب سے پہلے کچھ لوگوں کے ساتھ ساتھ کچھ ٹیوی چینلز نے بھی تبلیغی جماعت کو اس کا ذمہ دار ٹھہرا دیا تھا۔

جس کے بعد پورے ملک میں تبلیغی جماعت کے کارکنان کی تلاش ہونے لگی اور ڈھونڈ ڈھونڈ کر ان کا چیک اپ کیا گیا تقریبا ساڑھے اٹھارہ سو لوگوں کا چیک اپ بھی کیا گیا تھا مزید تین لوگوں پر وبا کے پھیلانے کا الزام عائد کرکے ان پر مقدمات قائم کئے گئے اور انہیں جیل میں ڈال دیا گیا۔

آج بھی کانپور کی جیل میں بیرون ممالک کے کئی جماعت کے کارکنان بند ہیں جن کی ضمانت کا انتظام کیا جا رہا ہے۔ لیکن کانپور کورٹ میں ایک وکیل کے کورونا وائرس پوزیٹو آجانے کی وجہ سے 30 جون تک کوٹ بند ہے، جیل میں بند ان جماعت کے کارکنان کی عدالتی کارروائی نہیں ہو پا رہی ہے۔

کانپور شہر میں ان دنوں کرونا وائرس وبا میں مبتلا مریضوں کی تعداد میں دن بدن اضافہ ہو رہا ہے، روزانہ تقریباً پچاس سے ساٹھ متاثرین مل رہے ہیں، اب تک کانپور میں اس مرض کے سبب 44 لوگوں کی موت بھی ہوچکی ہے۔

کانپور شہر کے تقریبا ساٹھ علاقون کو ہاٹ اسپاٹ میں شامل کیا گیا ہے، کانپور شہر میں اس مرض کا خوف عوام پر طاری ہے۔

شروع شروع میں کئی مسلم علاقے ہی صرف اس مرض کا گڑھ سمجھے جاتے تھے لیکن اب ایک یا دو مسلم علاقوں میں ہی ہاٹ اسپاٹ نافذ ہے۔

جس تیزی سے شہر میں کرونا وبا پھیلتی جا رہی ہے اس سے شہر کے تمام ذمہ داران فکر مند ہیں۔ شہر قاضی کانپور نے دہلی میں تبلیغی جماعت کے لوگوں کے دیے گئے پلازمہ سے صحتیاب مریضوں کو دیکھنے کے بعد اب کانپور میں بھی یہ اعلان کردیا ہے کہ اگر حکومت کو یا عوام کو تبلیغی جماعت کا کارکنا کا پلازمہ چاہیے تو وہ جماتیوں کا پلازمہ لے سکتے ہیں۔

انہوں نے اس تعلق سے کہاکہ'انسانیت کو بچانا دینی اور انسانی فریضہ ہے۔ لیکن وہیں دہلی میں جماعت کارکنان پر ایکشن لینے کی کوشش ہو رہی ہے تبلیغی جماعت کے لوگ انسانیت کی خدمت کرتے ہوئے اپنے ہم وطن بھائیوں کی جان بچانے کے لئے اپنا پلازمہ دے کر بڑی قربانی دینے کے لیے تیار ہیں۔