کانپور کی خدمت خلق فاؤنڈیشن ایک ایسی تنظیم ہے جو کانپور شہر میں غریبوں کی شادیوں کے ساتھ ساتھ ان کی تعلیم، صحت و دیگر ضروریات بھی پورا کرتی ہے۔ اسی زمرے میں خدمت خلق فاؤنڈیشن نے کانپور میں تیس جوڑوں کی اجتماعی شادی کا اہتمام کیا۔ ان میں تین غیر مسلم جوڑے بھی شامل تھے۔
خدمت خلق فاونڈیشن سے کانپور شہر کے اہل خیر حضرات جڑے ہوئے ہیں، جو اس شادی میں بڑھ چڑھ کر حصہ لیتے ہیں، کچھ افراد اپنے بڑے تعاون سے سونے چاندی کے زیورات، فریز، الماری، سلائی مشین، بیڈ، فرنیچر وغیرہ کا تعاون کرتے ہیں، جس سے ایک گھریلو روزمرہ کی ضروریات کے تمام سامان جہیز کی شکل میں اکٹھا ہو جاتا ہے، جو دلہن کو شادی کے بعد رخصت کرتے وقت دیا جاتا ہے، فاؤنڈیشن کے اس شادی تقریبات میں اہل خیر حضرات کے جانب سے لوگوں کے کھانے پینے کا بھی اہتمام کیا جاتا ہے، جس سے ایک شاندار شادی کا فنکشن ہو جاتا ہے۔
کانپور کی خدمت خلق فاؤنڈیشن دس سال سے اس طرح کی سماجی خدمات انجام دے رہی ہے، اب تک یہ کی سو جوڑوں کی شادیاں کرا چکی ہے، اس بار تنظیم نے تیس جوڑوں کی شادیاں کرائی ہیں، آئندہ برس بھی فاونڈیشن کا ٹارگیٹ زیادہ سے زیادہ لوگوں کی شادیاں کرانے کا ہے۔
خاص بات یہ ہے کہ ان کی دیانت داری اور ایمانداری کو دیکھ کر ہر سال کوئی نہ کوئی اہل خیر حضرات متاثر ہو کر تنظیم سے جُڑ رہے ہیں، تنظیم سے جڑے افراد مین سے کوئی بھی ایک شادی کی ذمہ داری لے لیتا ہے اور جب شادی ہوتی ہے تو وہ شادی بیاہ سے متعلق سامان عطیہ کرتے ہیں۔