اتر پردیش کے کانپور تھانہ علاقے کے ورون بہار کچی بستی میں گذشتہ دنوں ایک مسلم شخص کو بجرنگ دل کے کچھ کارکنان کے ذریعے گھیر کر جبراً جے شری رام کے نعرے لگانے پر مجبور کرنے کے معاملے میں اب تک کئی لوگوں کی گرفتاری عمل میں آچکی ہے۔
اس پورے معاملے میں ای ٹی وی بھارت کے نمائندہ نے مسلم شخص اور ہندو خاتون کے کنبے دونوں سے بات کی، جس میں ہندو خاتون نے بتایا کہ مسلم کنبہ کے ذریعے مذہب تبدیل کر کے شادی کرنے کے لیے کہا جا رہا تھا، جبکہ مسلم شخص کے کنبے نے کہا کہ وہ ہمیشہ کی طرح بازار میں جا رہا تھا، اسی دوران بھیڑ نے اسے گھیر کر زبردستی جے شری رام بولنے کو کہا۔