'آئیں خطرے میں ہے اسے بچانا ہوگا'

ریاست اتر پردیش کے ضلع کانپور میں یوم آئین یعنی کانسٹیٹیوشن ڈے منایا گیا۔ اس موقع پر شہر کے شکچھک پارک میں دلت پینتھر اور مائنارٹیز کمیشن نے مل کر تمام قوم کے لوگوں کو اکھٹا کرکے یوم آئین منایا۔

ان لوگوں نے ہندوستان کے دستور کی حفاظت کا عہد لیا۔ نومبر 26 سنہ 1949 کو ہندوستان کا آئین دین مکمل ہوا تھا تھا۔ اس دن کو یوم آئین یعنی کانسٹیٹیوشن ڈے کے نام سے جانا جاتا ہے۔

ہندوستان کے آئین میں تمام قوم و ملت کو برابری کے حقوق دیے گئے ہیں لیکن گزشتہ کچھ دنوں سے آئین کی جس طرح سے خلاف ورزی ہو رہی ہے یا آئین کی کاپیوں کو نذر آتش کیا گیا اس سے عوام میں بہت بے چینی ہے۔ اب عوام کے اندر یہ ذہن بن رہا ہے کہ ہمارا آئین خطرے میں ے جسے بچانے کی ضرورت ہے۔

پارک میں موجود لوگوں کو خطاب کرتے ہوئے مائنارٹی کمیشن کے ایک افسر نے کہا کہ ہندوستان کے آئین کو بچانے کی فکر لاحق ہو رہی ہے۔ اسی لئے لیے یہ بات لوگ کر رہے ہیں کہ ایک بار پھر سے ہندوستان کے آئین کو بچانا ضروری ہے، کیونکہ یہ آئین ہمارے ملک کی سالمیت کا سب سے بڑا قانون ہے۔ کن کا کہنا تھا کہ اس آئیں کی بدولت تمام قوم و ملت کے لوگ مطمئن ہیں۔

ہندوستان سے لندن میں جاکر مقیم ہوئے ملکیش سنگھ بحل دلت سماج سے تعلق رکھتے ہیں۔ ان کا کہنا ہے کہ ہمارے کانسٹیٹیوشن کی ہی دین ہے کی آج ہم لندن میں مقیم ہیں اور ہندوستان کے شہری بھی ہیں۔ ہمارا آئین ہی ہم کو اپنے خیالات کو اظہار کرنے کی آزادی بھی دیتا ہے اور ہمارے لئے ترقی کے تمام راستے بھی کھولتا ہے۔

انہوں نے مذید کہا کہ ہمارا کانسٹیٹیوشن جو ڈاکٹر بابا بھیم راؤ امبیڈکر کی قیادت میں نافذ ہوا اگر یہ اتنا اچھا نہ ہوتا تو ہندوستان کی تمام قوم وملت ایک ساتھ اس ملک میں نہ رہ پاتی۔ اگر ہمارا آئیں کمزور ہوا تو پھر یہ ملک بکھر جائے گا اور اس کے ٹکڑے ٹکڑے ہو جائیں گے، اس لئے ملک کی سالمیت کے لیے ضروری ہے کہ اس کانسٹیٹیوشن کی حفاظت کی جائے اور یہ سب کی ذمہ داری ہے۔