بی جے پی رہنما نے غریبوں کا مذاق اڑایا

کانپور شہر کے قدوائی نگر علاقے سے بی جے پی کے رہنما مہیش تریویدی نے خود کو سرخیوں میں بنائے رکھنے کے لیے لاک ڈاؤن کے سسب بے سہارا مجبور مزدوروں کا مذاق اڑایا ، تعاون کے لیے ان کے پاس آئے مزدوروں کو راشن مہیا کرانے کے بجائے انہوں نے پولیس سے کھانا و راشن مہیا کرانے کی بات کہی۔

ریاست اتر پردیش کے ضلع کانپور شہر کے قدوائی نگر اسمبلی حلقے سے ببی جے پی کے رہنما مہیش تریویدی نے بھارت لاک ڈاؤن کے پیش نظر راشن کی غرض سے آئے مزدوروں اور مجبوروں کو ایک تحریر دے کر راشن کے لیے تھانہ بھیج دیا۔

لاک ڈاؤن میں پولیس ضرورت مندوں کو کھانا مہیا کرائے: مہیش تریودی

اس معاملے کے بعد مہیش تریویدی کی جانب سے لکھی گئی تحریر وائرل ہورہی ہے، جس میں انہوں مزدوروں اور بے سہارا لوگوں کی مدد کرنے کے بجائے انہیں پولیس تھانے میں مدد کے لیے بھیجا ہے۔

واضح رہے کہ بھارتیہ جنتا پارٹی کے رہنما مہیش تریویدی اپنی ان حرکتوں کی وجہ سے پہلے بھی خوب چرچے میں رہ چکے ہیں، ایک طرف جہاں پورے بھارت کو کورونا وائرس کے پھیلتے کے پیش نظر لاک ڈاؤن کیا گیا ہے، اس دوران لا کھوں بے سہارا مزدوروں کو ایک وقت کا کھانا نہیں مل پا رہا ہے ایسے حالات میں بھی مہیش تریویدی خود کو سر خیوں میں بنائے رکھنے کے لیے اس طرح کی حرکت کر رہے ہیں۔ جبکہ ان حالات کے پیش نظر عام و خواص سبھوں کو ان مجبور و بے سہارا مزدوروں کے تئیں ہمدردی ہے جس کے سبب وہ لاکھوں روپے کے ذریعے ان کا تعاون کر رہے ہیں، لیکن وہیں مہیش تریویدی اب خود کا نام سرخیوں میں بنائے رکھنے کے لیے غیر انسانی رویہ اور غیر اخلاقی برتاؤ سے باز نہیں آرہے ہیں۔