مہاراشٹر کے وزیراعلیٰ کے خلاف کانپور میں مقدمہ درج

اترپردیش کے وزیر اعلی پر نازیبا بیان دینے کے معاملے میں کانپور بی جے پی میئر نے مہاراشٹر کے وزیراعلی ادھو ٹھاکرے کے خلاف ایف آئی آر درج کرائی ہے۔

کانپور: مہاراشٹر کے وزیر اعلیٰ ادھو ٹھاکرے کا اتر پردیش کے وزیراعلیٰ یوگی آدتیہ ناتھ کو دل شکن جملہ بولنے پر بی جے پی سے کانپور کی میئر پرمیلا پانڈے نے مہاراشٹر کے وزیر اعلیٰ ادھو ٹھاکرے پر مقدمہ درج کرا دیا ہے۔

گذشتہ دنوں مہاراشٹر کے وزیر اعلیٰ ادھو ٹھاکرے نے اُتر پردیش کے وزیر اعلیٰ یوگی آدتیہ ناتھ کو سخت نازیبا جملہ بولے تھے جس کے بعد بی جے پی کارکنان میں سخت ناراضگی اور غصّہ ہے۔ کانپور کی مئیر پرمیلہ پانڈے نے اس پر اعتراض جتاتے ہوئے مہاراشٹر کے وزیر اعلیٰ ادھو ٹھاکرے کے خلاف کانپور کے سوروپ نگر تھانہ میں تحریری شکایت درج کروائی ہے۔

ناراض میئر نے کہا ہے کہ ادھو ٹھاکرے کو بلند عہدے پر بیٹھ کر ایسے نازیبا، غیر مہذب جملہ اپنے ہم منصب وزیر اعلیٰ پر نہیں بولنا چاہیے۔

اُن کا کہنا ہے کہ ادھو ٹھاکرے کو اپنا کوئی سیاسی قد نہیں ہے وہ جو کچھ بھی اپنے والد کی وجہ سے ہیں جبکہ ہمارے لیڈر یوگی آدتیہ ناتھ زمینی لیڈر ہیں۔