یادگیر: عید میلادالنبیﷺ کے موقع پر خون عطیہ کیمپ

عید میلادالنبیﷺ کے موقع پر ہر سال کی طرح امسال بھی کرناٹک کے یادگیر کے ٹیپو سلطان چوک کے نزدیک خون عطیہ کیمپ کا انعقاد ہوگا، جس میں خواتین بھی اس موقع پر خون عطیہ کرسکتی ہیں۔

یادگیر: ریاست کرناٹک کے ضلع یادگیر میں ہر سال کی طرح اس سال بھی عید میلاد کے موقع پر نوجوانان یادگیر کی جانب سے خون عطیہ کیمپ کا انعقاد عمل میں لایا جارہا ہے، اس سلسلے میں قمرالاسلام معاون رکن بلدیہ یادگیر نے میڈیا سے بات کرتے ہوئے کہا کہ عید میلادالنبیﷺ کے موقع پر 19 اکتوبر کو ایک روزہ خون عطیہ کیمپ کا انعقاد عمل میں لایا جارہا ہے۔

انہوں نے مزید بتایا کہ سات سالوں سے مسلسل عید میلادالنبیﷺ کے موقع پر خون عطیہ کیمپ کا انعقاد عمل میں لایا جاتا ہے، یہ سلسلہ اس سال بھی عمل میں آئے گا۔ درگاہ حضرت جیتے شاہ ولی کمپلیکس کے روبرو ٹیپو سلطان چوک یادگیر میں اس کیمپ کا انعقاد عمل میں لایا جارہا ہے۔

ڈاکٹر فیروز خان لائف لائن ڈینٹل ہاسپٹل یادگیر نے بھی اس موقع پر میڈیا سے بات کرتے ہوئے کہا کہ عید میلادالنبیﷺ کے موقع پر خون عطیہ کیمپ کے ساتھ ساتھ فری ڈینٹل کیمپ کا انعقاد بھی عمل میں لایا جارہا ہے۔ خواتین بھی اس کیمپ سے استفادہ کرسکتی ہیں۔

سماجی کارکن شہباز جاگیردار نے عید میلاد النبی کے موقع پر خون عطیہ کیمپ اور فری ڈینٹل چیک اپ کیمپ سے زیادہ سے زیادہ تعداد میں عوام سے استفادہ کرنے کی اپیل کی۔