یادگیر: 25 جون سے ہوں گے دسویں جماعت کے امتحانات

کورونا وائرس کی وجہ سے دسویں جماعت کے امتحانات کو ملتوی کر دیا گیا تھا۔ کرناٹک ریاستی حکومت نے 25 جون سے 4 جولائی تک دسویں جماعت کے امتحانات لینے کا فیصلہ کیا ہے۔ جس کی وجہ سے ضلع یادگیر میں ضلعی انتظامیہ نے دسویں جماعت کے امتحانات کی تمام تر تیاری مکمل کر لی ہے۔

ڈپٹی کمشنر یادگیر کرما راؤ نے بتایا کہ دسویں جماعت کے امتحانات کی تمام تیاری مکمل کرلی گئی ہے۔ ضلعی انتظامیہ نے بتایا کہ ضلع میں 52 امتحانی مراکز قائم کیے گئے ہیں۔ جن میں کل 870 امتحانی کمرے تیار کر لیے گئے ہیں، جس میں 17396 طلبا و طالبات شرکت کریں گے۔

انہوں نے مزید کہا کہ امتحانی مراکز میں طلباء کو سینیٹائزر اور ماسک تقسیم کیا جائے گا۔ انہوں نے کہا کہ امتحانی مراکز پر طلباء و طالبات کی تھرمل اسکریننگ کا بھی انتظام کیا جائیگا۔ سماجی فاصلہ کے ساتھ طلباء کو بے فکر ہو کر سکون سے امتحانات دینے کی اپیل کی گئی ہے۔