لوہار اور کسان کے درمیان سوئی اور دھاگے کا رشتہ

جدید ٹیکنالوجی نے سب سے زیادہ اگر کسی میدان میں انقلاب پیدا کیا ہے تو وہ زراعت ہے، اس کے باوجود کسان اور لوہار کے درمیان ایک مضبوط رشتہ قائم ہے۔

کسان اور لوہار کے درمیان کے رشتے کوبیان کرتے ہوئے کرناٹک کے ضلع ہاویری کے ہرے کیرور شہر کے ایک لوہار نے بتا یا کہ' کسان اور لوہار کے درمیان کا رشتہ سوئی اور دھاگے کی طرح ہے۔ جو پیشے کے اعتبار سے بالکل جدا ہیں،لیکن ایک دوسرے کے مددگار ہیں۔

کیرور شہر میں تقریباً 10 سے 15 لوہار کی بھٹیاں (کولمیاں) موجود ہے۔ جہاں کے لوہار زیادہ تر زرعی آلات تیار کرتے ہیں۔

اس موقعہ پر عرفان لوہار نے ای ٹی وی بھارت کو بتایا کہ وہ خاندانی لوہار ہیں ان کے جد امجد بھی اسی پیشے سے منسلک تھے۔

انہوں نے لوہے کے پیشے کے تعلق سے کہا کہ' یہ کام سال بھر نہیں چلتا ہے۔ خصوصا فصل کی کٹائی اور جتائی کے وقت ان کا کام زوروں پر ہوتا ہے۔

اس وقت ایک بٹھی میں 4سے 5 لوگ مل کر درانتی، کیتا، کوڈگول، رنٹی جسے آلہ کسانوں کے لیے تیار کتے ہیں۔

انہوں نے مزید کہا کہ' یہ پیشہ آہنگری مشقت بھرا کام ہے۔ اس میں جسمانی مشقت زیادہ ہے۔