ایجوکیشن لون کی آخری تاریخ 30 ستمبر

ریاست کرناٹک میں اقلیتی کارپوریشن کی جانب سے اقلیتی طلبہ کے لیے2019۔20 ایجوکیشن لون کی درخواست دینے کی آخری تاریخ 30 ستمبر ہے۔

کرناٹک اقلیتی ترقیاتی کارپوریشن کی جانب سے اقلیتی طلبہ کے لیے ایجوکیشن لون کی درخواست داخل کرنے کی آخری تاریخ 30 ستبمر تک ہے۔
اس سلسلے میں ضلع دھاروڈ کے اقلیتی ترقیاتی کارپوریشن افسر اکبر نے ای ٹی وی بھارت کو بتایا کہ' کرناٹک اقلیتی ترقیاتی کارپوریشن کی جانب سے ہر برس اقلیتی طلبہ کو ایجوکشن لون دیا جاتا ہے۔ اس بار بھی اقلیتی طلبہ کو سنہ 2019-20 کے لیے جو لون دیا جائے گا اس کی درخواست داخل کرنے کی آخری تاریخ 30 ستمبر ہے۔

لون کے لیے ضلع دھاروڈ شہر کے اقلیتی آفس میں 30 ستمبر تک عرضی داخل کرسکتے ہیں۔ جس میں بی ایس سی انجینئرنگ میڈیکل ڈپلوما اور دیگر کورسز کے لیے اقلیتی طلبہ کے لیے موقع رہےگا۔

اس کے ساتھ ساتھ یہاں پر اقلیتی بے روزگار نوجوانوں، اقلیتی کسانوں کے لیے بھی گنگا کلیان بور بھی مفت ڈالنےکی اسکیم موجود ہے۔

اس کے علاوہ اقلیتی طبقے کی ترقی کے لیے کئی سبسیڈی لون بھی دیا جاتا ہے۔ اقلیتی عوام اس سہولت کا پورا فائدہ اٹھانے کی کوشش کریں'۔