گلبرگہ شریف میں خواجہ غریب نواز کا چھٹی شریف منایا گیا

گلبرگہ شریف میں خواجہ غریب نوازؒ کا چھٹی شریف منایا گیا۔ ریاست کرناٹک کے گلبرگہ شہر کے سید گلی میں مقامی نوجوان تنظیم کی جانب سے حضرت معین الدین چشتیؒ کے 809 ویں عرس شریف کے موقع پر چھٹی شریف منایا گیا۔ اس موقع پر مولانا صابر لطیفی نے کہا کہ ہند الولی خواجہ غریب نواز اجمیری کا عرس شریف ملک بھر میں منایا جاتا ہے، انہوں نے انسانیت اور بھائی چارگی کا پیغام دیا ہے۔

حضرت خواجہ غریب نواز کے عرس کے موقع پر اجمیر شریف میں ملک بھر سے زائرین شرکت کر تے ہیں۔ اس برس کورونا وائرس کی وجہ سے کئی افراد اجمیر شریف کو نہیں پہنچ پائے ہیں کیونکہ ابھی کچھ علاقوں سے ٹرین شروع نہیں کیا گیا، اس لیے عوام خواجہ غریب نواز کے چھٹی شریف کے موقع پر اپنے گھروں میں ہی فاتحہ خوانی کا اہتمام کر رہے ہیں۔

عرس خواجہ کے موقع یہاں مسجدوں، مدارس میں متعدد تقریبات کا اہتمام کیا جاتا ہے۔ اس برس بھی یہاں کے سید گلی میں چھٹی شریف کے موقع پر علمائے کرام کے بیانات اور فاتحہ خوانی کر کے کھیر تقسیم کی گئی۔