گلبرگہ جی آئی ایم ایس اسپتال میں 500 بستروں پر مشتمل کووڈ کیئر سینٹر کا افتتاح

شہر گلبرگہ کے جی آئی ایم ایس اسپتال میں 500 بستروں پر مشتمل کووڈ کیئر سینٹر کا قیام عمل میں لایا گیا ہے، مریضوں کے 24 گھنٹے علاج کے لیے تین شفٹوں میں تین ایم بی بی ایس ڈاکٹرز، 6 نرس اور 6 گروپ ڈی ملازمین کو بھی مقرر کیا گیا ہے۔

ریاست کرناٹک کے شہر گلبرگہ کے جی آئی ایم ایس اسپتال میں کووڈ کے مریضوں کو سہولیات پہنچانے کے لیے 500 بستروں پر مشتمل کووڈ کیئر سینٹر کا قیام عمل میں لایا گیا ہے۔

گلبرگہ ڈی ایچ او ڈاکٹر شرن بسپا نے یہ اطلاع کووڈ کیئر سینٹر کا دورہ کرنے کے بعد دی۔ انھوں نے کہا کہ اس سینٹر میں فی الحال 50 بستروں سے شروع کیا جارہا ہے اور آنے والے دنوں میں مریضوں کی تعداد کے حساب سے بستروں کا استعمال کیا جائگا۔ اس سینٹر میں 136 آکسیجن کنسنٹریٹر بھی موجود ہیں۔

اس کے علاوہ سینٹر میں ایک فارمیسی کا بھی تقرر عمل میں لایا گیا جس سے کی درکار دوائیں بروقت وہیں پر مہیا کی جائیں گئی۔

انھوں نے بتایا کہ کووڈ کے مریضوں کے 24 گھنٹے علاج کے لیے تین شفٹوں میں تین ایم بی بی ایس ڈاکٹرز، 6 نرس اور 6 گروپ ڈی ملازمین کو بھی مقرر کیا گیا ہے۔