گلبرگہ: صحافیوں کے کووڈ-19 ٹیسٹ کیے جائیں گے

مہاراشٹر میں درجنوں صحافیوں کا کووڈ-19 ٹیسٹ مثبت آنے کے بعد ملک بھر میں صحافی کووڈ-19 ٹیسٹ کروانے کی اپیل کر رہے ہیں، اسی طرز پر کرناٹک میں بھی صحافیوں کے کووڈ-19 ٹیسٹ کیے جا رہے ہیں۔

ریاست کرناٹک کے ضلع گلبرگہ کے صحافیوں کے لیے ضلع کے محکمہ ہیلتھ دفتر کے پاس واقع ایچ آئی ٹی ہال میں کووڈ-19 سے متعلق معائینہ کیا جایگا۔

محکمہ صحت کے علاقائی ڈپٹی ڈائریکٹر حبیب عثمان کی نگرانی میں جمس لیبار یٹری کے ٹیکنیشن گلے کے نمونے حاصل کریں گے۔ ابھی تک 114 میڈیا کے نمائندوں، صحافیوں کا ٹیسٹ سیمپل لیا گیا ہے۔

باقی تمام صحافی کل معائینہ کروا سکتے ہیں۔ ڈپٹی ڈائریکٹر محکمہ اطلاعات وعوامی رابطہ جی جی سدیشور نے اپیل کی ہے 'فیلڈ پر کام کر نے والے رپورٹرس اور کیمرہ مین لازمی طور پر کووڈ-19 کا ٹیسٹ کروائیں'۔

کرناٹک میں کورونا وائرس سے اب تک 463 معاملے سامنے آئے ہیں جبکہ 18 افراد اس وائرس سے ہلاک ہو چکے ہیں۔

وہیں ملک بھر میں اب تک اس مہلک وبا سے 24 ہزار 506 افراد متاثر ہوئے ہیں جبکہ 775 افراد ہلاک ہو چکے ہیں۔

دنیا بھر میں کووڈ-19 سے اب تک 27 لاکھ 90 ہزار 986 افراد متاثر ہوئے ہیں جبکہ 1 لاکھ 95 ہزار 920 افراد ہلاک ہو چکے ہیں۔

اس کے علاوہ کورونا وائرس سے اب تک 7 لاکھ 81 ہزار 382 افراد صحتیاب ہو چکے ہیں۔