کرناٹک کے گلبرگہ شہر کے تاڑتیگنور میں مسجد اور قرآن پاک کی سماج دشمن عناصر نے بے حرمتی کر سماج میں نفرت پیدا کرنے کی کوشش کی ہے Desecration of Holy Quran and Mosque in Gulbarga۔
یہ پورا واقعہ بی جے پی رہنما سبھاش گٹے دار BJP Leader Subhash Guttedar کے اس بیان کے بعد سامنے آیا ہے جس میں انہوں نے کہا تھا کہ معروف درگاہ الند شریف کی درگاہ حضرت لاڈلے مشائخ انصاری میں شیولنگ ہے۔
قرآن پاک اور مسجد کی بے حرمتی سے علاقے کے مسلمانوں میں بے چینی اور غم و غصہ ہے۔ خبر کی اطلاع ملتے ہیں موقع پر پہنچی الند تھانہ کی پولیس نے جائے حادثہ کا معائنہ کیا اور سبھی لوگوں سے پرامن ماحول بنائے رکھنے کی اپیل کی۔
موقع پر پہنچے کانگریس رہنما وہاج بابا Congress Leader Wahaj Baba نے کہا کہ گلبرگہ ایک صوفی سنتوں کا شہر مانا جاتا ہے۔ یہاں کے قومی یکجہتی، بھائی چارگی ماحول کو بگاڑنے کے لئے یہاں کے مسجد کے اندر فرقہ پرستوں نے قرآن مجید اور جائے نماز کو جلا دیا گیا ہے اور مسجد کے اسپیکر کو توڑا گیا ہے۔ یہاں کے بی جے پی کے ایم ایل اے سبھاش گٹے دار جھوٹ بول رہے ہیں۔ الند کی درگاہ شریف قومی یکجہتی کی مثال ہے۔
مزید پڑھیں:
انہوں نے مزید کہا کہ یہاں پر ہندو مسلم اور دیگر مذہب کے عوام بڑی عقیدت سے اس درگاہ شریف کو آتے ہیں۔ یہاں پر شیولنگ ہونے کا غلط متنازع بیان دیا گیا ہے۔ یہاں کی عوام میں نفرت کی بیج بونے کی کوشش کی جارہی ہے۔ اس لئے یہاں کے ایم ایل اے کو فوری معافی مانگنے اور مسجد اور قرآن شریف کی بے حرمتی کرنے والوں کا جلد سے جلد پتہ لگا کر گرفتار کیا جائے۔
