گلبرگہ: کانگریس رہنما پر پولیس لاٹھی چارج کی مذمت

ریاست کرناٹک کے گلبرگہ میں کانگریس رہنما عادل سیٹھ پر ہوئے حملے کے خلاف کانگریس پارٹی نے پرزور احتجاج کیا۔

کرناٹک کے گلبرگہ شہر میں 2 ستمبر کی رات کانگریس کے رہنما عادل سیٹھ پر پولیس کی جانب سے کی گئی زیادتی کے خلاف پارٹی کی جانب سے احتجاج کیا گیا۔ کانگریس کارکنوں نے مسلم چوک سے پولیس کمشنر آفس تک ایک ریلی نکالی۔

اس موقع پر سابق وزیر شرن پرکاش پاٹل نے پولیس کمشنر پر الزام عائد کرتے ہوئے کہا کہ وہ ایک آئی پی ایس آفیسر ہونے کے باوجود بی جے پی کے اشاروں پر کام کر رہے ہیں۔ اگر عادل سلیمان غلط ہو تے تو ان پر قانونی کاروائی کی جاتی لیکن کانگریس کے رہنما کو نشانہ بناتے ہوئے ان پر لاٹھیاں برسائی گئیں جوکہ غلط ہے۔

احتجاج میں کانگریس کی رکن اسمبلی کنیز فاطمہ، پارٹی رہنما اے بی آر پاٹل اور دیگر رہنما شامل تھے انہوں نے آئی جی سے ملاقات کی اور انہیں میمورنڈم حوالے کیا گیا۔