مزدور، کسان مخالف پالیسیوں کے تئیں بیداری کے لیے اجلاس

کانگریس رہنما ڈاکٹر سید ناصر حسین کے مطابق سنکلپ سماویش کا مقصد بی جے پی حکومت کی کسان، مزدور مخالف پالیسوں کے متعلق عوام کو آگاہ کرنا ہے۔

ریاست کرناٹک کے گلبرگہ شہر میں واقع جۓ بھوانی فنکشن ہال میں کرناٹک کانگریس پردیش کمیٹی کی جانب سے کنوینشن منعقد کیا گیا۔ یہ کنوینشن گلبرگہ ڈیوزنل سطح پر سنکلپ سماویش کے نام سے منعقد کیا گیا۔

اس موقع پر کانگرس پارٹی کے ریاستی صدر ڈی کے شو کمار اور کانگریس کئی سینیئر رہنما نے شرکت کی۔ اس موقع پر راجیہ سبھا کے رکن ڈاکٹر سید ناصر حسین نے ای ٹی وی بھارت کو بتایا کہ اس سنکلپ سماویش کا مقصد ریاست بھر میں بی جے پی مرکزی اور ریاستی حکومت کی جانب سے جاری کیے گئے کسان، مزدور مخالف پالیسوں کے متعلق عوام کو آگاہ کرنا ہے۔

انہوں نے مزید کہا کہ بی جے پی حکومت ملک بھر میں اپنی ہی من مانی کر رہی ہے۔ حکومت کی ترقی کے لیے کام کر نے کے بجائے ملک میں نئی پالیسیوں کو جاری کر کے کسان، مزدوروں کے لئے مشکل پیدا کر رہی ہے۔

انہوں نے مذید کہا کہ آج ملک کے کسان گزشتہ ایک ماہ سے حکومت کے خلاف احتجاج کر رہے ہیں۔ مگر ابھی تک بی جے پی حکومت ان کے مسائل حل کر نے کو تیار نہیں ہے۔ اس لئے ملک بھر میں کانگریس پارٹی بی جے پی کی غلط پالیسیوں کےِ خلاف اپنی آواز کو بلند کر رہی ہے۔