آشا کارکنان نے دس ہزار روپے ماہانہ کرنے کا مطالبہ کیا

کرناٹک کے گلبرگہ میں کورونا وائرس سے متعلق سروے کررہی آشا کارکنان نے اپنے مختلف مطالبات کے متعلق ڈی ایم کو میمورنڈم سونپا ہے۔

کرناٹک کے گلبرگہ شہر میں کورونا وائرس کی روک تھام کیلئے فرنٹ لائن واریئرز کی حثیت سے خدمات انجام دینے والی آشا کارکنان نے اپنے مختلف مطالبات کے متعلق ضلع کمشنر کو میمورنڈم دیا ہے۔

اس موقع پر آشا کارکنان نے کہا کہ انہیں دس ہزار روپئے ماہانہ ادا کیا جانا چاہئے کیونکہ اس وبا کے دوران وہ ایک مشکل کام کو انجام دیتی ہیں اور ساتھ ہی ساتھ لاک ڈاؤن کے دوران گھر میں دوسرے لوگوں کے کام بند ہوگئے ہیں ایسے میں انہیں دس ہزار روپئے ماہانہ دیا جانا چاہئے تاکہ وہ اپنے گھر کے خرچے کو پورا کر سکیں۔

آشا ورکرز نے ڈی ایم کو دئے میمورنڈم میں کورونا کے متعلق سروے کے دوران پی پی ای کیٹ فراہم کرنے اور سروے کے دوران ان پر حملہ کرنے والوں کے خلاف سخت کاروائی کا مطالبہ کیا ہے۔