گلبرگہ میں کورونا کے 4 نئے معاملے، مریضوں کی تعداد 71

ریاست کرناٹک کے ضلع گلبرگہ میں کورونا کے 4 نئے معاملے سامنے آئے ہیں۔ اب گلبرگہ میں کورونا وائرس کے مریضوں کی تعداد بڑھ کر 71 ہوگی ہے۔

کورونا وائرس سے جو 4 افراد متاثر پائے گئے ہیں، ان میں افضل پور تعلقہ کے 35 سالہ شخص، کملاپور تعلقہ کے 30 سالہ شخص، مومن پورہ گلبرگہ کے 35 سالہ اور 72 سالہ شخص شامل ہیں۔ 3 کورونا وائرس مریضوں کو جیمس ہسپتال گلبرگہ اور ایک مریض کو ای ایس آئی ہسپتال میں داخل کیا گیا ہے۔ گلبرگہ ضلع میں اب تک کورونا سے 6 افراد کی موت ہو چکی ہے۔ گلبرگہ میں آج کل 13 مریض صحتیاب ہو کر ہسپتال سے گھر گئے ہیں۔