جموں: آئیسولیشن وارڈ میں ہنگامہ

جمعہ کی صبح جموں کے سی ڈی ہسپتال میں غلط پیغامات کی وجہ سے دو کورونا مریضوں نے ہنگامہ شروع کردیا۔

جموں علاقے کے دگانا کے رہنے والے 2 مریض ٹیب آئسولیشن وارڈ سے اس وقت باہر آگئے جب انہیں موبائل پر منفی رپورٹ کا غلط پیغام ملا، جس کے بعد دونوں نے گھر جانے کے لیے ہنگامہ کرنا شروع کر دیا۔
تاہم جب اس کے بارے میں ہسپتال کے سپرنٹنڈنٹ ڈاکٹر راجیشور شرما کو پتہ چلا تو انہوں نے فورا ان کی بات ہیلتھ جموں سے کروائی اور انہیں یقین دہانی کرائی کہ یہ ایک فرضی پیغام ہے جبکہ رپورٹ مثبت ہے۔

وہیں سپرنٹنڈنٹ ڈاکٹر راجیشور شرما نے ای ٹی وی بھارت کو بتایا کہ 'انہیں اس معاملے کی پولیس نے اطلاع دی ہے تاکہ معلوم کیا جا سکے کہ کون ایسا غلط پیغام بھیج سکتا ہے۔'