جموں ریلوے اسٹیشن کے قریب سے ٹی آر ایف عسکریت پسند گرفتار، اسلحہ برآمد

جموں و کشمیر پولیس نے جموں ریلوے اسٹیشن کے قریب سے ٹی آر ایف (دی ریسِسٹنس فرنٹ) سے تعلق رکھنے والے عسکریت پسند کو گرفتار کیا ہے، جس کی شناخت یوسف شیخ کے طور پر کی جارہی ہے جبکہ اس کے پاس سے اسلحہ بھی برآمد کیا گیا ہے۔

جموں ریلوے اسٹیشن کے قریب چیکنگ کے دوران اسکوٹی پر سوار ایک شخص ناکہ پوائنٹ سے تقریباً 50-60 میٹر دور ایک گدی (تکیہ) کو پھینک کر فرار ہوگیا جبکہ اس کے پاس ایک نیلے اور سیاہ رنگ بیگ بھی تھا۔ مشکوک شخص کا پولیس نے پیچھا کیا اور اسے گرفتار کرلیا گیا۔

بشکریہ ٹویٹر

ابتدائی پوچھ گچھ پر اس نے اپنی شناخت یوسف شیخ کے طور پر کی جوکہ گداپورہ، شوپیان کا رہنے والا ہے۔ تلاشی کے دوران اس کے پاس سے کارتوس سے بھری ایک پستول برآمد ہوئی۔ ایس او جی جموں کے افسران نے موقع پر ہی اس سے پوچھ گچھ کی تو اس نے انکشاف کیا کہ وہ ٹی آر ایف کا ایک سرگرم عسکریت پسند ہے اور مخصوص کام کے لیے جموں آیا تھا۔

گرفتار عسکریت پسند سے پوچھ گچھ جاری ہے اور اس کے دو ساتھیوں کو پکڑنے کے لیے تلاش شروع کی گئی ہے جنہوں نے اسے جاسوسی کے لیے مدد فراہم کی۔

اس سلسلے میں ایف آئی آر نمبر/21 315َ U/S 20، 23،38،39 UAP ایکٹ 7/25 آرمز ایکٹ کے تحت رجسٹرڈ کر لی گئی ہے اور مزید تحقیقات جاری ہے۔