'بیک ٹو ولیج پروگرام' کے تحت افسران کو ٹریننگ دینے کا فیصلہ

مرکز کے زیر انتظام جموں و کشمیر کے ادھم پور میں 'بیک ٹو ولیج پروگرام' کے دوسرے مرحلے کے تحت وزٹنگ آفیسرز کو تربیت دی جائے گی اور ہر افسر مقرر کردہ پنچایتوں میں دو دن اور ایک رات گزارے گا۔

'بیک ٹو ولیج پروگرام' کے موثر نفاذ کے لیے اہلکاروں کو واقف کرنے کے لیے ڈسٹرکٹ ڈویلپمنٹ کمشنر اُدھم پور ڈاکٹر پیوش سنگلا کی سربراہی میں ایک روزہ ٹور پروگرام کا انعقاد کیا گیا۔ ڈی سی آفس کے کانفرنس ہال میں پروگرام میں مختلف محکموں کے ضلعی عہدیدار موجود تھے۔

ڈی ڈی سی نے پروگرام کے مقاصد پر روشنی ڈالتے ہوئے بتایا کہ اس پروگرام کے تحت ہر پنچایت کا اندازہ گزٹ شدہ افسران کے ذریعہ کیا جائے گا اور ہر افسر مختص شدہ پنچایتوں میں دو دن اور ایک رات گزارے گا۔

انہوں نے عہدیداروں پر زور دیا کہ وہ عوامی اہمیت کے امور پر مرکزی توجہ کے ساتھ بیک ٹو ویلج پروگرام کو کامیاب بنانے کے لیے پوری ایمانداری اور لگن کے ساتھ کام کریں۔
انہوں نے کہا کہ محکمہ دیہی ترقی 25 سے 30 نومبر تک ضلع میں سرگرمیاں انجام دینے کے لیے نوڈل ایجنسی ہے۔ انہوں نے افسران پر پنچایتی راج اداروں کو مضبوط بنانے کے لیے اہم کردار ادا کرنے پر زور دیا۔