جموں: تین مقامات پر تین سانپ پکڑے گئے

جموں و کشمیر کے سرمائی دارالحکومت جموں میں آج تین مختلف مقامات پر محکمہ وائلڈ لائف نے مختلف مقام پر تین سانپ پکڑے، جن میں کوبرا سانپ بھی شامل ہے جو کہ پانچ فٹ لمبا تھا۔

وائلڈ لائف وارڈن جموں انیل کمار اتری کے مطابق ان سانپوں کو جیول چوک، بیلی چیرانا اور ریلوے اسٹیشن کے مقامات پر پکڑا گیا

انہوں نے مزید کہا کہ کوبرا سانپ کو بیلی چرانہ کے علاقے میں ایک بھیڑ فارم سے پکڑا گیا جو کہ پانچ فٹ لمبا تھا اور دوسرے سانپ کو جیول چوک میں پکڑا گیا۔

ان کا مزید کہنا ہے کہ وائلڈ لائف محکمہ کو ان سانپوں کے بارے میں جب جانکاری ملی تو محکمہ نے ان جگہوں پر ٹیم روانہ کی۔

وائلڈ لائف وارڈن کے مطابق ان سانپوں کو جنگل میں چھوڑا گیا۔