کشتواڑ:جموں و کشمیر کے پہاڑی ضلع کشتواڑ میں کانگریس پارٹی کے چناب ویلی انچارج اور ضلع کوآرڈنیٹر نے پارٹی سے استعفی دے دیا ہے۔ انہوں نے بتایا کہ غلام نبی آزاد نے عرصہ دراز تک کانگریس پارٹی کی خدمت کی اور پارٹی کو مستحکم بنانے میں غیر معمولی رول اداکیا اس لیے وہ غلام نبی آزاد کے ساتھ نئی پارٹی میں شامل ہوں گے۔ Azad loyalists quit Congress in Jammu and Kashmir
کشتواڑ سے کانگریس پارٹی کے متعدد کارکنان اور رہنماؤں نے اپنے اپنے عہدوں اور پارٹی کی رکنیت سے استعفی دے دیا ہے اور اب یہ رہنما غلام نبی آزاد کے ساتھ ہیں۔ استعفیٰ دینے والے رہنماؤں کا کہنا ہے کہ غلام نبی آزاد نے چناب ویلی کے لئے غیر معمولی کام کیا ہے، جب جموں و کشمیر کے وزیر اعلی تھے تو اس وقت انہوں نے نئے ضلع تحصیل بلاک کا قیام عمل میں لایا تھا۔ ڈسٹرکٹ کوآرڈنیٹر کا کہنا ہے کہ وہ غلام نبی آزاد کے ساتھ مل کر سیکولر پارٹی تشکیل دیں گے اور جموں و کشمیر میں سیکولر جماعتوں کے ساتھ مستقبل میں حکومت سازی کریں گے، کانگریس لیڈر سورج پریہار پارٹی سے استعفی کے بعد کہا کہ غلام نبی آزاد کے کانگریس پارٹی سے استعفی کے بعد بعد سے لے کر اب تک درجنوں کانگریسی کارکنا پارٹی کو الوداع کہ چکے ہیں،اور وہ غلام نبی آزاد کے ساتھ ہیں۔ انہوں نے مزید کہا کہ آئنہ دنوں میں متعدد کارکنان کانگریس سے استعفی دے کر دغلام نبی آزاد کے ساتھ رہینگے۔
واضح رہے کہ غلام نبی آزدا نے گزشتہ روز کانگریس کی بنیادی رکنیت سے استعفیٰ دیکر سیاسی حلقوں میں سنسنی پھیلادی۔ کانگریس کی عبوری صدر سونیا گاندھی کے نام ایک مکتوب میں انہوں نے اپنے استعفی کی وجوہات بیان کیں جس میں انہوں نے کہا کہ راہل گاندھی کی قیادت طفلانہ اور غیر سنجیدہ رہی ہے جبکہ کانگریس ان کی قیادت میں 2014 سے دو لوک سبھا انتخابات ہار چکی ہے۔ کانگریس نے آزاد کے استعفی کو ان کی خودغرضی اور موقع پرستی سے تعبیر کیا ہے۔
مزید پڑھیں:Ghulam Nabi Azad کانگریس کے ساتھ غلام نبی آزاد کے سیاسی سفر پر ایک نظر
کشتواڑ کے کانگریس پارٹی کے لیڈران کا کہنا ہے کہ ہم لوگ آزاد کے ساتھ جڑے تھے جو کام انہوں نے کیا وہ کوئی اور نہیں کرپائےگا۔
