Teacher Suspend in Rajouri: راجوری کے اسکول میں بچی کی بےرحمی سے پٹائی

ضلع راجوری کے سب ڈویزن کورٹرنکا کے گورنمنٹ۔مڈل اسکول کدریان پنچایت درمان کے ایک سرکاری اسکول کے ٹیچر نے ایک بچی کی بےرحمی سے پٹائی کی، جس کے بعد بچی کے والدین نے انتظامیہ تک اس مسلے کو لے گئے۔

نثار احمد نامی ایک ٹیچر نے زیر تعلیم بچی کی بےرحمی سے پٹائی کی جس کے بعد بچی کافی زخمی ہو گئی۔ بچی کے والدین نے ضلع انتظامیہ سے اس مسئلہ پر نظر ثانی کرنے کی گزارش کی تھی، جس پر ایڈیشنل ڈپٹی کمشنر راجوری نے فوری اقدامات اٹھاتے ہوئے ٹیچر کو معطل کر دیا ہے اور اس کے خلاف قانونی کاروائی بھی شروع کردی ہے۔

راجوری میں ٹیچر معطل

دوسری جانب بچی کے والدین نے پوچھا ہے کہ آخر کس وجہ سے اتنی بےرحمی سے بچی کو مارا گیا۔ تاہم انتظامیہ نے والدین کو یقین دلایا کہ اس مسئلے کی پوری طرح سے جانچ کی جائگی اور ایسے شخص کے خلاف سخت قانونی کاروائی کی جائے گی۔ تاہم اسکول میں باقی تعینات اساتذہ کے خلاف بھی انکوائری جاری کردی گی ہے اور ضلع انتظامیہ نے ایک ٹیم تشکیل دی ہے جو اس کی تحقیقات کریگی۔