Suspicious Drone: جموں کے ارنیہ سیکٹر میں مشکوک ڈرون کا گشت

جموں کے ارنیہ سیکٹر میں دیر رات سرحد پر تعینات بی ایس ایف کے جوانوں نے مشتبہ ڈرون دیکھا۔

جموں و کشمیر کے ضلع جموں کے ارنیہ سیکٹر میں بی ایس ایف کے جوانوں نے ایک مشکوک ڈرون کی حرکت دیکھ کر اس پر فائر کی اور اسے واپس سرحد پار بھیج دیا۔ وہیں علاقے میں تلاشی کارروائی جاری ہیں۔

گزشتہ 26 اور 27 جون کی درمیانی شب میں جموں کے ایئر فورس اسٹیشن کے ٹیکنیکل علاقے میں دو دھماکوں کے بعد متعدد بار جموں میں ڈرون دیکھے جانے کے بعد سکیورٹی کو مزید سخت کردیا گیا ہے۔

بتادیں کہ اس سے قبل 27 جون کو جموں ایئر فورس اسٹیشن کے ٹیکنیکل علاقے میں دو دھماکے ہوئے، جس میں ایئر فورس کے دو اہلکار زخمی ہوئے تھے۔

اس واقعہ کے بعد جموں و کشمیر میں سبھی ایئر فورس اسٹیشنز کو الرٹ پر رکھا گیا ہے۔ جب کہ ڈرونز کی موجودگی کے بعد جموں میں سکیورٹی انتظامات سخت کردیے گئے ہیں۔